Page Text
________________
५८६
पंचसंगहो
उवजोगा जोगविही जेसु य ठाणेसु जेत्तिया अस्थि । जं पच्चइओ बंधो हवइ जहा जेसु ठाणेसु ॥४॥ बंधं उदय उदीरणविहं च तिण्हं पि तेसु संजोगो । बंध विहाणे वि तहा कि पि समासं पवक्खामि ॥५॥ एइंदिएसु चत्तारि हुंति विगलिंदिएसु छच्चेव ।
पंचिंदिएसु एवं चत्तारि हवंति ठाणाणि ॥६॥ एइंदिया दुविहा-बादरा सुहुमा। बादरा दुविहा-पज्जत्ता अपज्जत्ता । सुहुमा दुविहापजत्ता अपज्जत्ता। एदे चत्तारि एइंदिएसु जीवठाणाणि ४। वेइंदिया तेइंदिया चउरिंदिया य दुविहा-पज्जत्ता अपज्जत्ता। एदे छ विगलिंदिएसु जीवठाणाणि ६। पंचिंदिया दुविहा-सण्णी असण्णी | सण्णो दुविहा-पज्जत्ता अपज्जत्ता । असण्णी दुविहा-पज्जत्ता अपज्जत्ता । एवं पंचिंदिएसु चत्तारि जीवठाणाणि ४ । एवं चउदस जीवठाणा १४ ।
तिरियगईए चउदस हवंति सेसासु जाण दो दो दु ।
मग्गणठाणस्सेवं णेयाणि समासठाणाणि ॥७॥ तिरियगईए चउदस जीवठाणाणि हवंति १४ । णिरयगदि-देवगदि-माणुसगदीसु सण्णियपंचिंदियपज्जत्तापज्जत्ता [ दो दो जीवठाणागि हवंति। ] कायाणुवादेण पुढवि-आउ-तेउ-वाउकाइया एदे १६ । वण'फदिकाइया १०। तसकाइया एदे [१०] एवं कायमग्गणा छत्तीसं ३६ । पत्तेयं पत्तेयं बादरा सुहमा पज्जत्ता अपज्जत्ता पुढविकाइया आउकाइया तेउकाइया वाउकाइया एदे सोलसा १६। वणप्फदिकाइया दुविहा–पत्तेयसरीरा साहारणसरीरा। पत्तेयसरीरा दुविहा पज्जत्तापज्जत्ता। साधारणा दुविहा—णिञ्चणिगोदा चदुगदिणिगोदा। णिचणिगोदा दुविधाबादरा सुहुमा। बादरा दुविहा–पज्जत्तापज्जत्ता । सुहुमा दुविधा-पज्जत्तापज्जत्ता ४ । चदुगदिणिगोदा दुविहा-बादरा सुहुमा । बादरा दुविहा-पज्जत्तापज्जत्ता । सुहुमा दुविहा-पज्जत्तापज्जत्ता । बीइंदिया तीइंदिया चरिंदिया पंचिंदिया सण्णी असण्णी पज्जत्ता अपज्जत्ता १० । एवं कायमग्गणा छत्तीसा ३६ । ।
जोगाणुवादेण मण चत्तारि वचि तिण्णि सण्णी पज्जत्त असच्चमोस वचिजोग बीइंदिय तीइंदिय चरिंदिय असण्णी पंचिंदिय पज्जत्त सणिपन्नत्ताण कायजोगा चउदसण्हं पि १४ । ओरालियकायजोगो सत्तण्हं पज्जत्ताणं, ओरालियमिस्स० सत्तण्डं अपज्जत्ताणं। अट्टमओ केवली समुग्घादगदो कवाडो ओरालियमिस्सं । एवं कम्मइय दे विसेवि [ ] अट्टमं पदर-लोगपूरणे । वेउव्वियकायजोगो सण्णिपजत्ताणं, वेउव्वियमिस्सकायजोगो सण्णि-अपज्जत्ताणं । आहाराहारमिस्सकायजोगो सण्णिपज्जत्ताणं ।
__वेदाणुवादेण णqसगवेदो चउदसण्हं पि। इत्थि-पुरिसवेदो सण्णि-असण्णि-पज्जत्तापजत्ताणं । कसायाणुवादेण कोधकसाइस्स चउदसण्हं पि १४। माणकसाइस्स १४ । मायाकसाइस्स १४ । लोभकसाइस्स १४ । णाणाणुवादेण मदिअण्णाणं सुदअण्णाणं चउदसण्हं पि १४। विभंगणाणं सण्णिपज्जत्ताणं आभिणिबोधियणाणं सुदणाणं ओधिणाणं सण्णिपज्जत्तापन्जत्ताणं । मणपज्जवणाणं सण्णिपज्जत्ताणं। केवलणाणं णेव सण्णी व असण्णीपज्जत्ताणं । संजमाण वादेण असंजमं च उदसण्हं पि १४ । सामाइय-छेदोवट्ठावणं परिहारा सुहुम जहाखायसंजमं सण्णिपज्जत्ताणं । संजमासंजमं पंचिंदियसण्णिपज्जत्ताणं ।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |