Page Text
________________
सतग-संगहो
५८७
दसणाणुवादेण अचक्खुदंसणं चउदसण्हं पि १४। चक्खुदंसणं चउरिदिय-असण्णिसण्णिपंचिंदियपज्जत्ताणं ३ । ओधिदसणं सण्णिपज्जत्तापज्जत्ताणं २। केवलदंसणं णेव सण्णी णेवासण्गी पजत्ताणं । लेसाणुवादेण किण्ह-णील-काउलेसा चउदसण्हं पि १४। तेउ-पउम-सुक्कलेसा सण्णिपज्जत्तापज्जत्ताणं । भवियाणुवादेण भवसिद्धिया चउदसण्हं पि१४। अभवसिद्धिया चउदसण्हं पि १४ । सम्मत्ताणवादेण मिच्छादिही चउदसण्हं पि१४। सासणसम्मत्तं बादर एइंदी बेइंदी तेइंदी चउरिंदी'असण्णि-सण्णिपंचिंदिय-अपज्जत्ता सण्णिपज्जत्तो च ७ सम्मामिच्छत्तं सण्णिपज्जत्ताणं। जवसमसम्मत्त वेदगसम्मत्त खाइयसम्मत्त सण्णिपज्जत्तापज्जत्ताणं । सण्णिआणुवादेण सण्णी पजत्तापज्जत्ताणं २ । असण्णी बारसण्हं १२। आहाराणुवादेण [ आहारा ] सत्तण्हं पजत्ताणं, अपज्जत्ताणं च १४। अणाहारा सत्तण्हं अपज्जत्ताणं। अट्ठमओ पदर-लोगपूरणे दीसदि।
एक्कारसेसु तिय तिय दोसु चदुकं च वारसेकम्मि ।
जीवसमासस्सेदे उवओगविही मुणेदव्वा ।।८।। एइंदिएसु चदुसु बीइंदिय तीइदिय पज्जत्तापज्जत्ता चदुरिंदिय पंचिंदिय सण्णी असण्णी एदेसु इक्कारसेसु तिणि उवओगा-मदिअण्णाणं सुदअण्णाणं अचक्खुदंसणे त्ति । चदुरिंदिय असण्णिपंचिंदिय पज्जत्ता एदेसु दोसु चत्तारि उवओगा-मदिअण्णाणं सुदअण्णाणं चक्खुदंसणं अचक्खुदंसणे त्ति । एक्कम्मि सण्णिपंचिंदियपज्जत्ते बारस उवओगा-मदिअण्णाणं सुदअण्णाणं विभंगअण्णाणं पंच णाणाणि, चत्तारि दंसणाणि एदे बारस उवओगा। सण्णिविसेसेण काऊण केवलणाणं केवलदंसणं णत्थि, पंचिंदियसामण्णेण अत्थि
णवसु चदुक्के इक्के जोगा इक्को य दोण्णि पण्णरसा।
तब्भवगदेसु एदे भवंतरगदेसु कम्मइयं ॥६॥ ‘णवसु चउक्के' बादरेइंदियपज्जत्त-सुहमे गिदियपज्जत्तेसु ओरालियकायजोगो । बादर-सुहुमेइंदिय अपज्जत्त बोइंदिय [अ]पज्जत्त तीइंदियअपजत्त चउरिं दियअपज्जत्त सण्णिपंचिंदियअपज्जत्तअसणिपंचिंदियअपज्जत्तेसु ओरालियमिस्सकायजोगो । बीइंदिय-तीइंदिय-चउरिदिय-असण्णिपंचिंदियपज्जत्तेसु एदेसु चदुसु दोणि ओरालियकायजोगो असच्चमोसवचिजोगा हुति । एदेसु पज्जत्तगहणेण णिव्वत्तिपज्जत्तयाणं गहणं, अपज्जत्तगहणेण णिव्वत्ति-लद्धिअपज्जत्तयाणं गहणं । एक्के सण्णिपंचिंदियपज्जत्तम्हि चत्तारि मणजोगा चत्तारि वचिजोगा सत्त कायजोगा हुँति । कवाडे ओरालियमिस्सकाय जोगो, पदरे लोगपूरणे कम्मइयकायजोगो, पमत्तसंजदम्हि आहार-आहार मिस्सकायजोगो। देव-णेरइयणिव्वत्तिपजत्तयाणं पज्जत्तो त्ति काऊण वेउव्विय-वे उब्वियमिस्सकायजोगो भणिदो । एवं सुत्ताभिप्पाअं, तेसु लद्धिअपज्जत्तगो णत्थि । 'तब्भवगदेसु' खं [णव ] सरीरगहिदेसु एदे पुव्वुत्तजोगा हुँति । 'भवंतरगदेसु' कम्मइयकायजोगो त्ति भणिदो, पुव्वसरीरं छंडिऊण अण्णसरीरं जाव ण गेण्हइ ताव भवंतर विग्गहगइ त्ति एगट्ठो। तम्मि वट्टमाणे कम्मइयकायजोगो।
उपओगा जोगविही जीवसमासेसु वण्णिदा एदे। एत्तो गुणेहि सह परिणदाणि ठाणाणिमे सुणह ॥१०॥ [ मिच्छो सासण मिस्सो अविरदसम्मो य देसविरदो य । णव संजयाइ एवं चोदस गुणणामठाणाणि ॥११॥ ]
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |