________________
५८२
Jain Education International
पंचसंगहो
तिन्हं दोहं दोहं छण्हं दुण्हं तु तेरसहं च । एतो चउद्दसहं लेसा भवणादिदेवाणं ॥ १४३॥ णिम्मूलखंधदे से [साहा ] गुंछा चुणिऊण के वि पडिदा य । जह एदेसिं भावा तहविह लेसा मुणेयव्वा ॥ १४४॥ लेसपरिणाममुक्का जे जीवा सिद्धिमस्सिदा अजोगी य । अवगदलेसा जीवा सग-संभवगुणअणंतजुत्ता य ॥ १४५ ॥ भविया सिद्धी जेसिं जीवाणं ते भवंति भवसिद्धा । सिद्धिपुरकडजीवा संसारादो दु सिज्यंति || १४६॥ संखिजम संखि अनंतकालेण चावि ते णियमा । सिज्यंति भव्वजीवा अभव्वजीवा ण सिज्यंति ॥ १४७ ॥ णय जे भव्वाभव्वा मुनिसुहा जुत्ततीदसंसारा । ते जीवा गादव्वा णेव अभव्वा अ भव्वा य ॥ १४८ ॥
छप्पंचणवविधाणं अत्थाणं जिणवरोवदिट्ठाणं । आणाय अधिगमेण य सद्दहणं होदि सम्मत्तं ॥ १४६ ॥ देवे अण्णभावो विसयविरागो य तच्चसद्दहणं ! दिट्ठी सम्मोहो सम्मत्तमण्णयं जाणे || १५० ।। वयणेण वि हेदूण वि इंदिय-भय- विउब्विगेण रूवेण । बीभच्छ-दुगंछाए तेलुकेण विण कंपिजा ।। १५१ ।। एवं विउला बुद्धी ण विम्हयं एदि किंचि दट्ठण | पट्टविदे सम्मत्ते खइए जीवस्स लद्धीए ॥ १५२ ॥ बुद्धी सुहाणुबंधी सुइकम्मरदो सुदं च संवेगो । तच्चत्थे सहणं पियधम्मं तिव्वणिव्वेगो ॥१५३॥ इच्चेवमादिया जे वेदयमाणस्स ते भवंति गुणा | वेदगसम्मत्तमिणं सम्मत्तुदएण जीवस्स || १५४ ॥ दंसणमोहस्सुद उवसंते सव्वभावसद्दहण्णं । उवसमसम्मत्तमिणं पसण्णकलसं जहा तोयं ।। १५५।।
सुट्ठमासु पुढवी जोइस वण- भवण-सव्वइत्थीसु । वारस मिच्छुवधादे सम्मादिट्ठी ण उप्पण्णो || १५६॥ चत्तारि विछेत्ताई आउगबंधेण होदि सम्मत्तं । अणुवय-महव्वदेहि य ण लभदि देवाउगं मुत्तु ॥१५७||
For Private & Personal Use Only
www.jainelibrary.org
