________________
५८१
जीवसमासो लिंपदि अप्पीकीरदि एदाए णियय पुण्ण पावं च । जीवस्स हवदि लेसा लेसगुणजाणणक्खादा ॥१२८॥ जह गेरुवेण कुड्डो लिप्पदि लेवेण आमपिटुण । तह परिणामो लिप्पदि सुभासुभेणेत्ति लेवेण ॥१२॥ चंडो ण मुयदि वेरं भंडणसीलो य धम्म-दयरहिदो । दुट्ठो ण य एदि वसं लक्खणमेयं तु किण्हस्स ॥१३०॥ मंदो बुद्धिविहीणो णिव्विण्णाणी विसयलोलो य । माणी मायी य तहा आलस्सो चेव भीरू य ॥१३१॥ जिंदा-वंचण बहुलो धण-धण्णे होदि तिव्यपरिणामो । लक्खणमेयं भणियं समासदो णीललेसस्स ।।१३२।। रूसदि जिंददि अण्णे दूसदि बहुसो य सोग भय-बहुगो । असुवदि परिभवदि परं पसंसदे अप्पयं बहुसो ॥१३३॥ ण य पत्तियदि परं सो अप्पाणं पिव परो वि तह चेव । [तु]स्सदि अभिथुव्वंतो ण य जाणदि हाणि-वड्डिं च ॥१३४॥ मरणं पत्थेदि रणे देदि य बहुगं पि थुव्यमाणो हु। ण गणदि कजमकजं लक्खणमेयं तु काउस्स ॥१३॥ जाणदि कज्जाकजं सेयासेयं च सव्वसमपासी । दय-दाणरदो य मिद् लक्खणमेदं तु तेउस्स ।।१३६॥ चागी भद्दो चोक्खो उज्जयकम्मो य खमदि बहुगं पि । साहु-गुरुपुजणरदो लक्खणमेदं तु पउमस्स ॥१३७।। ण य कुणदि पक्खवादं ण वि य णिदाणं समो य सव्वेसु । णत्थि य रागो दोसो णेहो वि य सुक्कलेसस्स ॥१३८।। किण्हा भमरसवण्णा णीला पुण णीलगुलियसंकासा । काऊ कओयवष्णा तेऊ तवणिजवण्णाहा ॥१३६।। पउमा पउमसवण्णा सुक्का पुणु कासकुसुमसंकासा । वणतरं च एदे हवंति परिता अणंता वा ॥१४॥ काऊ काऊ य तहा काऊ पीला य णोल णील-किण्हा य । किण्हा य परमकिण्हा लेसा रदणादिपुढवीसु ॥१४१।। तेऊ तेऊ य तहा तेऊ पम्मा य पम्म-सुक्का य । सुक्का य परमसुक्का लेसा भवणादिदेवाणं ॥१४२।।
Jain Education International
For Private & Personal Use Only
www.jainelibrary.org
