________________
५८०
पंचसंगहो उज्जुवमणुज्जुगं पि अ नणोगदं सव्वमणुयलोगम्हि । पज्जयगदं पि जाणदि वुच्चदि भणपज्जवं णाणं ॥११३।। संपुण्णं तु समग्गं केवल जुगवं च सव्वभावविदु । लोगालोगवितिमिरं केवलणाणं मुणेदव्यं ॥११४।। जेम णियमेसु य पंचिंदिएसु पाणेसु संजमो दिटुं । सददं मुणि संजदो ति य तेणं किर संजमो णाम ॥११॥ सामाइयम्हि दु कदे एगं जाम अणुत्तरं धम्म । तिविहेण सद्दहंतो सामाइयसंजमो स खलु ॥११६॥ छेत्तण य परियायं पोराणं पि स्थवेदि अप्पाणं । धम्मम्हि पंच जोगे छेदोपहारगो स खलु ॥११७॥ परिहरदि जो विसुद्धो एयं समयं अणुत्तरं धम्म । पंचसमिदो तिगुत्तो परिहारा संजमो स खलु ।।११८।। लोभं अणुवेदंतो जो खलु उवसामगो व खवगो वा । सो सुहुमसंपराओ जहखादेणूणओ किंचि ॥११९॥ उवसंते खीणे वा असुभे कम्मम्मि मोहणीयम्मि । छदुमत्थो व जिणो वा जहखादं संजमो स खलु ॥१२०॥ दंसण वद सामाइय पोसह सच्चित्त रायभत्ते य । बंभारंभ परिग्गह अणुमण उदिट्ट देसविरदी य ॥१२१।। तसजीवेसु य विरदो थावरजीवेसु णेव विरदु त्ति । सावयधम्मो तम्हा संजमासंजमो स खलु ॥१२२॥ जीवे चउदसभेदे इंदियविसएसु अट्ठवीसेसु । जे तेसु णेय विरदा असंजदा ते मुणेदव्या ॥१२३॥ जं सामण्णं गहणं भावाणं णेव कटु आयारं ।। अविसेसदृण अत्थे दंसणमिदि भण्णए समए ॥१२४॥ चक्खूणं जं पस्सदि वासदि[दीसदि]तं चक्खुदंसणं विति । दिट्ठस्स य जं सरणं णादव्यं तं अचक्खुईत्ति ॥१२॥ परमाणुआदिगाहं अंतिमखधं ति मुत्तिदव्वाई।। तं ओधिदंसणं पुण जं पस्सदि ताणि पच्चक्खं ॥१२६॥ बहुविह-बहुप्पयारा उजोआ परिमिदम्हि खेत्तम्हि ।
लोगालोगवितिमिरं केवलवरदंसणुजोवो ॥१२७॥ 1. आदर्श प्रतौ 'लोगागास' इति पाटः ।
Jain Education International
For Private & Personal Use Only
www.jainelibrary.org
