________________
जीवसमासो
णेवित्थी व पुमा णqसगो उभयलिंगविदिरित्तो । इट्टय अवग्गिसरिसो वेदणगुरुगो कलुसचित्तो ॥१८॥ कारिसतगिट्टमग्गीसमाणपरिणामवेदणुम्मुक्का । अवगदवेदा जीवा सगसंभव-अमिय-वरसुक्खा ॥६६॥ सुह-दुक्खं बहुसस्सं कम्मक्खेत्तं कसेदि जीवस्स । संसारगदीमेरं तेण कसाओ ति णं विंति ॥१००॥ सिलभेद-पुढविभेदा धूलोराई य उदयराइसमा । णिर-तिरि-गर-देवत्तं उविंति जीवा हु कोहवसा ॥१०१॥ सेलसमो अडिसमो दारुसमो तह य जाण वेत्तसमो । णिर-तिरि-णर-देवत्तं उर्वति जीवा हु माणवसा ॥१०२॥ वंसीमूलं मेहस्स सिंग गोमुत्तयं चउरप्पं । णिर-तिरि-णर-देवत्तं उविंति जीवा हु मायवसा ॥१०३॥ किमिरागं चकमलं कद्दम-उवमं च जाण हालि । णिर-तिरि-णर-देवत्तं उविति जीवा हु लोहवसा ॥१०४॥ अप्पपरोभयबाधाबंधासंजमणिमित्तकोधादी। जेसिं णत्थि कसाया अमला अकस्साइणो जीवा ॥१०॥ जाणदि अणेण जीवो दव्य-गुण-पजए य बहुभेदे । पच्चक्खं च परोक्खं तम्हा णाणो त्ति णं विंति ॥१०६॥ विसजंतकूडपंजरबंधादिसु अणुवदेराकरणेण । जा खलु पवत्तदि मदी मदि-अण्णाणेत्ति णं विति ॥१०७॥ आभीयमासुरक्खा भारह-रामाअणादि-उवदेसा । रुच्छा [ तुच्छा ] असाधणीया सुद-अण्णाणेत्ति णं विंति ॥१०॥ विवरीयमोधिणाणं खओवसमियं च कम्मवीयं च । वेभंगो चिय बुच्चदि सम्मणाणीहि समयम्हि ॥१०॥ अहिमुहणियमिदबोधण इंदिय-णोइंदियत्थसंजुत्तं । आभिणिबोधियणाणं विजाण तं वण्णिदं समए ॥११०॥ सोदूण पाठसदं जं घेप्पदि अप्पणो मदिबलेण । तं सुदणाणं जाणसु णिचं उबदेससिद्धं तु ।।१११।। अवधीयदि त्ति ओधी सीमाणाणेत्ति वण्णिदं समए । भव-गुणपञ्चयविहिदं तधावधिणाणेत्ति णं विंति ॥११२।।
Jain Education International
For Private & Personal Use Only
www.jainelibrary.org
