________________
५८३
जीवसमासो दंसणमोहक्खवणे पट्ठवगो कम्मभूमिजादो तु। णियमा मणुसगदीए णिट्ठवगो चावि सव्वत्थ ॥१५८।। खवणाए पट्ठवगो जम्हि भवे णियमसा तदो अण्णे । णादिच्छइ तिणि भवे दंसणमोहम्मि खीणम्हि ॥१५६॥ दंसणमोहुवसमगो दु चदुसु वि गदीसु तह य बोधव्वो। पंचिंदिओ दु सण्णी णियमा सो होदि पञ्जत्तो ॥१६॥ मणपज्जवपरिहारो उवसम्मत्त दोणि आहारा । एदेसु इक्कपयदे णत्थि त्ति अ सेसयं जाणे ॥१६॥ सम्मत्त सत्तया पुण विरदाविरदे य चउदसा होति । विरदेसु य पण्णरसं विरहिदकालो य बोधव्वो ॥१६२।। अडदालीस मुहुत्ता पक्खं मासं तहेव वे मासा । चउ छक्क मास वरिसं अंतर रदणादिपुढवीसु ॥१६३॥ ण य मिच्छत्त पत्तो सम्मत्तादो य जो दु परिपडिदो । सो सासणो त्ति णेओ सादियमध पारिणामिओ भावो ॥१६४॥ सद्दहणासद्दहणं जस्स य जीवस्स होदि तच्चेसु । विरदाविरदेण समो सम्मामिच्छो त्ति णादव्वो ॥१६॥ मिच्छादिट्ठी जीवो उवदिट्ठपवयणं ण सद्दहदि । सद्दहदि असब्भाव उवदिट्ठ अणुवदिट्ठ वा ॥१६६॥ एवं कदे मए पुण एवं होदि त्ति कञ्जणिप्पत्ती । जो दु विचारदि जीवो सो सण्णी असण्णिगो इदरो ॥१६७॥ सिक्खाकिरिउवदेसालावग्गाही मणोवलंवेण । जो जीवो सो सण्णी तविवरीदो असण्णी य ॥१६८।। मीमंसदि जो पुव्वं कजमकज च तच्चमिदरं वा। सिक्खदि णामेणेयदि य समणो अमणो य विवरीदो ॥१६॥ आहरदि सरीराणं तिण्हं इक्कदरवग्गणाओ य । भासा-मणस्स णियदं तम्हा आहारगो भणिदो ॥१७॥ विग्गहगइमावण्णा केवलिणो समुहदो अजोगी य सिद्धा य अणाहारा सेसा आहारिणो जीवा ॥१७॥ वत्थुणिमित्तो भावो जादो जीवस्स जो द उवओगो उवओगो सो दुविहो सागारो चेव अणगारो ॥१७२।।
Jain Education International
For Private & Personal Use Only
www.jainelibrary.org
