________________
पंचसंगहो
मदिसुदओही य तहा मणपजय केवलं वियाणाहि । पुव्वुच्चतिण्णि सहियं णाणटुं हुंति ते णियमा ॥५३॥ सामाइयं च पढमं छेदं परिहार सुहुम जहकहियं । संजममिस्सं च तहा असंजमं चेव सरोदे ॥५४॥ चक्खु अचक्खू ओधी केवलसहियं ज दंसणं चदुधा । किण्हादीया लेस्सा छब्भेया सुक्कपरियंता ॥५५॥ पढमं भव्वं च तहा वीयमभव्यं तु जिणवरमदम्हि । एत्तो सम्मत्तस्स य णामं साहति जिणणाहा ॥५६॥ उवसम खइयं च तहा वेदगसम्मत्त सासणं मिस्सं । मिच्छत्रेण य सहिदं सम्म छव्विहं णाम ॥५७।। सण्णि-असण्णी जीवा आहारी तह चे अणाहारी । उवओगस्स हु सणं एत्तो उर्दू पवक्खामि ॥५८।। अण्णाणतिगंज तहा पंच य णाणा भणंति हु जिणिंदा । चउदंसणेण सहियं उवओगं वारसविधं तु ॥५६।। गदिकम्म विणिव्वत्ता जा चेट्ठा सा गदी मुणेदव्या । जीवा हु चादुरंगं गच्छति ति य गदी हवदि ॥६॥ ण रमंति जदो णिच्चं दव्वे खेत्ते य काल भावे य । अण्णोण्णेहिं य णिच्चं [ तम्हा ते णारया भणिया ॥६१॥ तिरयंति कुडिलभावं सुवियडसग्णा णिगट्ठमण्णाणा । अचंतपावबहुला तम्हा तेरिच्छिया भविया ॥६२॥ मण्णंति जदो णिचं ] मणेण णि उणा जदो हु ते जीवा । मण-उक्कडा य जम्हा तम्हा ते माणुसा भणिदा ॥६३॥ कीडंति जदो णिचं गुणेहि अद्वेहिं दिव्य-भावेहिं । भासंति दिव्यकाया तम्हा ते वण्णिदा देवा ॥६४॥ जादि-जरा-मरण-भया वियोग-संजोग-दुक्खसण्णाओ। रागादिगा य जिस्से ण संति सा हवदि सिद्धगदी ॥६॥ अहमिंदा वि य देवा अविसेसं बहुमहं ति मण्णंता । ईसंति इक्कमेकं इंदा इव इंदियं जाण ॥६६॥ जाणदि पस्सदि भुंजदि सेवदि फासिदिएण एक्केण । कुणइ य तस्सामि तो सो खिदिआदि एइंदी ॥६७॥
Jain Education International
For Private & Personal Use Only
www.jainelibrary.org
