________________
५७७
जीवसमासो खुल्लग वरडग अक्खग रिद्वग गंडूव वालुगा संखा। कुक्खि किमि सिप्पि-आदी णेया वेइंदिया जीवा ॥६८।। कुंथु पिपीलग मक्कुण विच्छिग जुग इंदगोव गोभीया । उत्तिंग्गमट्ठि-आदी णेया तेइंदिया जीवा ॥६६॥ दंसा मसगा मक्खिग गोमच्छिय भमर कीड मकडया । सलभ-पयंगादीया णेया चदुरिंदिया जीवा ॥७०।। अंडज पोदज जरजा रसजा संसेदिमा य सम्मुच्छा। उन्भेदिमोववादिम णेया पंचिंदिया जीवा ॥७१॥ ण वि इंदिय-करणजुदा अवग्गहादीहिं गाहगा अत्थे । णेव य इंदियसुक्खा अणिंदियागंतणाणसुहा ॥७२।। जह भारवहो पुरिसो वहदि भरं गेण्हिऊण कायोडी । एमेव वहदि जीवो कम्मभरं कायकाओडी ॥७३॥ अप्पप्पचुत्तिसंचिदपुग्गलपिडं विजाण कायो त्ति । सो जिणमदम्हि भणिदो पुढवीकायादियो छद्धा ॥७४॥ पुढवी य वालुगा सकराय उवले सिलादि छत्तीसा । वण्णादीहि य भेदा सुहमाणं णस्थि ते भेदा ॥७॥ ओसा अ हिमिग महिगा हरदणु सुद्धोदगे घणदगे य । वण्णादीहि य भेदा सुहुमाणं णत्थि ते भेदा ॥७६॥ इंगाल जाल अच्ची मुम्मुर सुद्धागणी य अगणी य । वण्णादीहि य भेदा सुहुमाणं णत्थि ते भेदा ॥७७।। वादुब्भामो उक्कलि मंडलि गुंजा महाघण तण य । वण्णादीहि य भेदा सुहुमाणं णत्थि ते भेदा ॥७॥ मूलग्ग-पोर-वीया कंदा तह खंध-बीज-बीयरुहा।। सम्मुच्छिमा य भणिदा पत्तेयाणंतकाया ते ॥७६।। वेइंदिय तेइंदिय चउरिंदिय असण्णि-सणि जे जीवा । पंचिंदिया य जीवा ते तसकाया मुणेयव्या ॥८॥ जह कंचणग्गिणेया बंधणमुक्का तहेव जे जीवा। घणकायबंधमुक्का अकाइगा ते णिरावाधा ।।८१॥ मणसा वचिया काएण चावि जुत्तस्स विरियपरिणामो । जीवस्सप्पणिओ खलु स जोगसण्णा जिणक्खादा ॥८२॥ .
७३
Jain Education International
For Private & Personal Use Only
www.jainelibrary.orgi
