________________
५७४
पंचसंगहो
चक् घाणं जिब्भा फासं वचि काय आउ आणपाणा य । पज्जत्ते चदुरिंदिय णादव्वा होंति अट्ठदे ॥३१॥ फासं जिब्भा घाणं आउं अणपाण काय वयणं तु । तेइंदियस्स एए णायव्या पाणया सत्त ॥३२।। जिब्भा फासं वयणं काउ अणपाण आउ तह होति । वेइंदियम्मि पुण्णे छप्पाणा व णायव्वा ॥३३॥ फासं कायं च तहा अणपाणा हुंति आउसहियाओ। एइंदियपज्जत्ते पाणा चदुरो जिगुद्दिट्ठा ॥३४॥ एदे पुव्वुद्दिट्ठा पाणा पञ्जत्तयाण णायव्वा । एत्तोऽपज्जत्ताणं जहाकम चेय साहामि ।।३५॥ अस्सण्णिय-सण्णीर्ण णत्थि हु मण वयण तह य आणपाणा । दस मज्झे संफिडिदे सत्त य पाणा हवंति त्ति ॥३६॥ पुव्वुत्तसत्तमज्झे सोदेण विणा हवंति छप्पाणा । चदुरिंदियस्स एदे कहिदा जिणवीरणाहेण ॥३७॥ चक्खुविहीणे तेइंदियाण पाणा हवंति पंचेव ।। गंधे पुणु संफिडिदे बेइंतियपाणया चदुरो ॥३८॥ पुव्वुत्तचदुरमझे जिब्भाऽभावेण तिणि जाएइ । एइंदियस्स पाणा णादव्वा जिणवरुद्दिट्टा ॥३६॥
इह जाहि बाधिदा वि य जीवा पावंति दारुणं दुक्खं । सेवंता वि य उभयं ताओ चत्तारि सण्णाओ ॥४०॥ आहारदसणेण य तस्सुवओगेण ओमकु?ण । सादिदरउदीरणा वि य होदि हु आहारसण्णा दु ॥४१॥ अदिभीमदंसणेण य तस्सुवजोगेण ओमसत्तेण । भयकम्मुदीरणाए भयसण्णा जायदे चदुहिं ॥४२।। पणिदरसभोयणेण य तस्सुवजोगेण कुसीलसेवाए। वेदस्सुदीरणाए मेहुणसण्णा हवदि एवं ॥४३॥ उवयरणदंसणेण य तस्सुवजोगेण मुच्छिदाए य । लोहस्सुदीरणाए परिग्गहो जायदे चदुहिं ॥४४॥ जाहिं य जासु व जीवा मग्गिज्जंते जहा तहा दिट्ठा । ताओ चउदस जाणे सुदणाणे मग्गणा हुँति ॥४५॥
Jain Education International
For Private & Personal Use Only
www.jainelibrary.org
