________________
Jain Education International
कम्मत्थव-संगहो
साधारण सुमं चिय सोलस पयडी य होइ णायव्वा । विदियकसायचउक्कं तदियकसायं च अट्ठदे ॥ ४४ ॥ एउंसयवेयं इत्थीवेदं तहेव एयं च । छोकसायकं पुरिसं कोहं च माणो य ॥४५॥ मायं चि अणिट्टीभागं गंतूण संतयुच्छेदो । लोभं चिय संजलगं सुहुमकसायम्हि वुच्छिण्णा ॥ ४६ ॥ खीणकायदुरिमेणिद्दा पयला य हणइ छदुमत्थो । णाणतरायदसयं दंसणचत्तारि चरिमम्हि ||४७|| देवदुग पण सरीरं पंचसरीरस्स बंधणं चेव । पंचैव य संघादं संठाणं तह य छकं च ॥४८॥ तिष्णि य अंगोवंगं संघडणं तह य हुंति छक्का य । पंचैव य वण्णरसं दो गंधं अट्ठफासो य ॥ ४६ ॥ अगुरु लहुगचउकं विहायगदि दो थिराथिरं चैव । सुभ सुस्सर जुगलं चियं पत्तेयं दुब्भगं अजसं ॥ ५०॥ आणादिजं णिमिणं अपजत्तं तह य णीचगोदं च । torदर वेदणीयं अजोगिदुचरमम्हि बुच्छिण्णा ॥ ५१ ॥ अण्णदर वेदणीयं मणुयाऊ मणुयदुगं च बोधव्वा । पंचिदियजादी विय तस सुभगादिज पचत्तं ॥ ५२ ॥ बादरजसकित्ती वय तित्थयरं उच्चगोदयं चेव । एदे तेरस पगडी अजोगिचरिमम्हि संतवुच्छिण्णा ॥५३॥ सो मे तिहुवणमहिदो सिद्धो बुद्धो णिरंजणो सुद्धो । दिस वरणाणलाई दंसणसुद्धिं समाहिं च ॥५४॥
देवासुरिंदम हिदं भवसायरपारयं महावीरं । पण मिय सिरसा वुच्छं जहा कसं सुणह एयमणा ॥ ५५|| किं बंधोदयपुव्वं समं च स परोदएण उभए वा । संतर निरंतरं वा तदुभयमिदि णवविधं पहं ॥ ५६ ॥ पढमुदओ बुच्छि पच्छा बंधो ति अट्ठ पगडीओ । णादवाओ पियमा एकतीसं समं च बंधुदया ||२७||
गुत्तर असिदीओ यडीओ जिणवरेहि दिट्ठाओ । पच्छुदओ वोaिrs पढमं बंधु त्ति णादव्वो ॥ ५८ ॥ सत्तावीसेगारं सोदयमथ परोदएण बज्यंति । वासीदीओ णियमा बज्यंति तत्थ उभरण ॥ ५६ ॥
For Private & Personal Use Only
५६३
www.jainelibrary.org
