________________
कम्मत्थव-संगहो
थावर सुहुमं च तहा साधारणगं तह अपज्जतं । एदे सोलस पयडी मिच्छम्हि य बंधुवुच्छेदो ॥१२॥ थीणतिगं इत्थी वि य अण तिरियाउं तहेव तिरियदुगं । मज्झिम चउसंठाणं मज्झिम चउ चेव संघडणे ॥१३॥ उज्जोवमप्पसत्थं विहायगदि दुब्भगं अणादेज्जं । दुस्सर णिचागोदं सासणसम्मम्हि वुच्छिण्णा ॥१४॥ विदियकसायचउक्कं मणुआऊ मणुअदुगं च ओरालं । तस्स य अंगोवंगं संघडणादी अविरदम्हि ॥१५॥ तदियकसायचउक्कं विरदाविरदम्हि बंधशेच्छिण्णा । [साइयरमरइ सोयं तह चेव य अथिरमसुहं च ॥१६॥ अज्जसकित्ती य तहा पमत्तविरयम्हि वोच्छेदो] देवाउगं च एवं पमत्त-इदरम्हि णादव्वं ॥१७।। णिद्दा पयला य तहा अपुव्वपढमम्हि बंधवुच्छेदो । देवदुगं पंचिंदिय ओरालिय वज्ज चउसरीरं च ॥१८॥ समचउरं वेउव्वियमाहारय-अंगवंगणामं च । वण्णचउक्कं च तहा अगुरुगलहुगं च चत्तारि ॥१६॥ तसचउ.पसत्थमेव य विहायगदि थिर सुहं च णायव्वा । सुभगं सुरसरमेव य आदिज्ज चेव णिमिणं च ॥२०॥ तित्थयरमेव तीसं अपुव्वछब्भाग बंधबुच्छिण्णा । हस्स रदि भय दुगुंछा अपुव्वचरिमम्हि वुच्छिण्णा ॥२१॥ पुरिसं चदुसंजलणं पंच य पगडीय पंचभागम्हि । अणियट्टी-अद्धाए जहाकम बंधवोच्छेदो ॥२२॥ णाणंतरायदसयं दंसणचत्तारि उच्चजसकित्ती । एदे सोलस पगडी सुहुमकसायम्हि बंधवुच्छिणा ॥२३॥ उवसंत खीणमोहे [खीण चत्ता ] सजोगिचरिमम्मि सादवुच्छेदो। णादव्वो पगडीणं बंधस्संतो अणंतो य ॥२४॥ मिच्छत्तं आदावं सुहुममपज्जत्तगा च तह चेव । साधारणं च पंच य मिच्छम्हि य उदयवुच्छेओ ॥२५॥ अण एइंदियजादी विगलिंदियजादिमेव थावरयं । एदे णव पगडीओ सासणसम्मम्हि उदयवुच्छिण्णा ॥२६॥ सम्मामिच्छत्तेयं सम्मामिच्छम्हि उदयवुच्छेदो । विदियकसायचउक्कं तह चेव य णिरय-देवायू ॥२७॥
Jain Education International
For Private & Personal Use Only
www.jainelibrary.org
