________________
विदिओ
कम्मत्थव-संगहो णमिऊण अणंतजिणे तिहुवणवरणाणदंसणपईवे ।
बंधुदयसंतजुत्त वुच्छामि थवं णिसामेह ॥१॥ एत्थ पयडिवुच्छेदे कीरमाणे दुविहणयाहिप्पाओ भवदि-उप्पादाणुच्छेदो अणुप्पादाणुच्छेदो त्ति । उत्पादः सत्त्वं सत् , छेदो विनाशः अभावनिरूपता इति यावत् । उत्पाद एव अनुच्छेदः, उत्पादानुच्छेदः, भाव एव अभाव इति यावत् । एसो दम्वट्ठियणयववहारो। अनुत्पादः असत्त्वं अनुच्छेदो विनाशः, अनुत्पाद एव अनुच्छेदः अनुत्पादानुच्छेदः, असतः अभाव इति यावत् , सतः असत्त्वविरोधात् । एसो पज्जवट्ठियणयववहारो।।
मिच्छे सोलस पणुवीस सासणे अविरदे य दस पयडी। चउ छक्कमेयदेसे विरदे इयरे कमेण वुच्छिण्णा ॥२॥ दुगतीसचदुरपुव्वे पंचऽणियट्टिम्हि बंधवोच्छेदो। सोलस सुहुमसरागे साद सजोगिम्हि बंधवुच्छिणा ॥३॥ पण णव इगि सत्तरसं अड पंच य चदुर छक्क छच्चेव । इगि दुग सोलस तीसं वारस उदओ अजोयंता ॥४॥ पण णव इगि सत्तरसं अट्ठट्ठय चदुर छक्क छच्चेव । इगि दुग सोलगुदालं उदीरणा होंति जोगंता ॥॥ अण मिच्छ मिस्स सम्म अविरदसम्मादि-अप्पमत्ता । सुर-णिरय-तिरिय-आऊ णिययभवे चेव खीयंति ॥६॥ सोलस अट्ठकेकं छक्कककक खीण अणियट्टी। एयं सुहुमसराए खीणकसाए य सोलसयं ॥७॥ वावत्तरिं दुचरिमे तेरस चरिमे अजोगिणो खीणा । अडदालं पगडिसदं खविय जिणं णिव्वुदं वंदे ॥८॥ णाणस्स दंसणस्स य आवरणं वेदणीय मोहणीयं । आउग णामं गोदं तहंतरायं च मूलपगडीओ॥६॥ पंच णव दुण्णि अट्ठावीसं चदुरो तहेव वादालं । दोण्णि य पंच य भणिदा पगडीओ उत्तरा चेव ॥१०॥ मिच्छ णउंसयवेयं णिरयाउग तहय चेव गिरयदुगं । इगि-विगलिंदिय जादी हुंडमसंपत्त आदावं ॥११॥
Jain Education International
For Private & Personal Use Only
www.jainelibrary.org
