Page Text
________________
५५६
पंचसंगहो
कुणदि, सुत्तो वि संकदि, दंतं कडकडावेदि । णिहाए तिव्वोदएण अप्पकालं सुवदि, उट्ठाइज्जंतो लहुं उठेइ, अप्पसहेण चेयइ । पचलाए तिव्वोदएण बालुयाए भरियाई व लोयणाई होति, गरुवभारुदुद्ध व सीसयं होदि, पुणो पुणो लोयणाई उम्मीलणं णिम्मोलणं कुणदि, णिदाभरेण पडतो लहु अप्पाणं साहारेइ ।। __ सति प्रकाशे विमलविस्फारितलोचनोऽपि पश्यन्नपि न पश्यति तच्चक्षुरावृत्त ज्ञेयम् । शृण्वन् जिवन् रसन स्पर्शन स्वयं तद्गतार्थे अवग्रहमात्रमपि [नस्यात्तदचक्षुरावृति कर्म । पुद्गलस्कन्धमेकैकं परमाणु पृथक्-पृथक्दर्शनसंज्ञावरणमेवावधिदर्शनावरणम् । सकलपदार्थातीतानागतवर्तमानद्रव्यगुणपर्यायैर्युगपत्प्रतिसमयविलोकनासमर्थं येन तत्केवलदर्शनावृतम् । अव्यथितमनोवाकार्यनिरुपहतपञ्चेन्द्रियनिरोगत्वाद्यनुभवनता सातम् , तद्विपरीतमसातम् ।
खयउवसमं विसोही देसग पाओग्ग करणलद्धीए।
चत्तारि वि सामण्णा करणं पुण होदि सम्मत्तं ॥१२॥ पुव्वसंचियकम्ममलपडलअणुभागफड्डया जदा अणंतगुणहीणकमेण उदीरिज्जति तदा खय उवसमलद्धी । अणंतगुणहीणकमेण उदीरिद-अणुभागफद्दयाण जणिदपरिणामो सादादिसुहकम्मबंधणिमित्तो असादादि-असुहकम्मबंधविरुद्धो विसोधिलद्धी णाम । छद्दव्व-णवपदत्थोवदेसो देसणलद्धी णाम । सव्वकम्माणुकस्सहिदिघादि-असुभाण उक्कस्स-अणुभागघादीए अंतोकोडाकोडी जहणहिदी लदा-दारुसमाण-वे-अणुभागट्टाणु [-ट्ठाणाणुभागो] ठविज्जइ पाओग्गलद्धी होइ ।
तत्थ करणलद्धी तिविधा-अधापवत्तयं अपुव्वं अणियट्टी चेदि । तत्थ अधापवत्तकरणपविट्ठस्स णत्थि ठिदिघादो अणुभागवादो गुणसेढी गुणसंकमो वा। केवलं अणंतगुणविसोधीए विसुद्धमाणो गच्छदि । अप्पसत्थाणं कम्माणं अणंतगुणहीणकमेण ओहट्टिदूण अणुभागं बंधदि । पसत्थाणं कम्माणं अणंतगुणवडिकमेण अणुभागं बंधदि । एवं ठिदिकण [करण ]-ओसरणे सहस्से कदे अधापवत्तद्धा समप्पदि ।
अपुत्वकरणपविट्ठस्स अस्थि ठिदिघादो अणुभागघादो गुणसेढी गुणसंकमो वा । एत्थेव अणंतगुणविसोधीए विसुज्झमाणो गच्छेदि, अप्पसत्थाणं कम्माणं अणंतगुणहीणकमेण ओहट्टिदूण अणुभागबंधं बंधदि, पसत्थाणं कम्माणं अणंतगुणवडिकमेण अणुभागं बंधदि, एगहिदिकंडयपडणकाले व्व [च संखेज्जाणि अणुभागकंडयपटिदफद्दआणि गालेइ । एवं ठिदिकंडए ओसरणसहस्से कए अपुव्वकरणद्धा समप्पदि ।
अणियट्टिकरणपविट्ठरस अपुवकरणं व । णवरि मिच्छत्तस्स य अंतोकोडाकोडिहिदि कादूण पढमसमयप्पहुडि अंतोमुहुत्तहिदि मुतण उवरि अंतोमुहुर अंतरकरणं कादूण पुणो चरमावलिं मोत्तूण ओकडुण-उदीरणं कादूण उवसमसम्माइटिकाले मिच्छत्त-सम्मत्त-सम्मामिच्छत्त [मिदि] तिविहं करिय उवसमसम्माइट्ठी होदूण अच्छदि । एदेण कारणेण मिच्छत्तं एगं बज्झदि, सत्ताभेदेण तिविहं होदि।
पढमो दंसणघादी विदिओ पुण देसविरदिघादी य । तदिओ संजमघादी चउत्थ जहखायसंजमो घादी ॥१३॥ जलरेणुभूमिपव्वदराइसरिसो चदुविधो कोधो। तह वल्ली कट्ठट्ठी सालत्थंभो हवे माणो ॥१४॥
१. लब्धिसागा०३। २. प्रा० पञ्चसं. १,११५ ।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |