________________
परिशिष्ट १
णाणे दंसण चरणे, तवे य अहसुहमए य बोधव्वे । पडिसेवणाकुसीलो, पंचविहो ऊ मुणेयव्वो ।। णाणादी उवजीवति, अहसुहुमो अह इमो मुणेयन्वो । सातिज्जतो राग, गच्छति एसो तवच्चरणी ।। एमेव कसायम्मि वि, पंचविहो होइ ऊ कुसीलो उ । कोहेणं विज्जादी, पउंजए एव माणादी ।। एमेव दंसम्मि वि, सावं पुण देति ऊ चरित्तम्मि । मणसा कोहादीणि उ, करेति अह सो अहासुहुमो ।। पढमग अपढम चरिमा, अचरिमो सुहुमो य होइ णायव्वो। णिग्गंथे पंचविहो, सिणाए पुण केवली भणिता ।। पढमापढमा चरिमे, अचरिमसहुमे य होंति णिग्गंथे । अच्छवि अस्सबले या, अकम्मसंसुद्ध अरहजिणो ।। निग्गयगंथ णियंठो, अंतमुहुत्तं दुहा मुणेयव्वो। उवसंतकसायो वा, खीणकसायो य पंचविहो । अंतो मुहत्तद्धाए, पढमेयरचरिम अचरिम णियंठो । समएसु अहासुहुमो, णायव्वो संपराएसु ।। ण्हाओ एक्कं समयं, चउक्कम विसुद्धण्हायगो होइ । अत्थ वि सयलअकम्मे, णाणादिविसुद्धचरिमजिणो' । संजम-सुय-पडिसेवण, तित्थे लिंगे य लेस उववाए । थाणं च पतिविसेसो, पुलागादीण तु जोएज्जा ।। पुलागबकुसकुसीला, सामाइय-छेयसंजमा होति । होति कसायकुसीलो, परिहारे सुहुमरागे य ।। णिग्गंथो य सिणाओ, अहखाए संजमे मुणेयव्वा । दसपुव्वधरुक्कोसा, पडिसेवपुलायबउसा य ।। चोद्दसपुव्वधरादी, कसायणियंठा य होंति णायव्वा । अवगयसुतो उ केवलि, मूलगुणासेवओ पुलओ। चित्तलवत्थासेवी, बलाभिओगेण सो भवे वउसो । मूलगुण उत्तरगुणे, सरीरबउसो मुणेयव्वो ।।
१. ३, १५, १६, १७ ये चारों गाथाएं मुद्रित टीका में नहीं हैं।
Jain Education International
For Private & Personal Use Only
www.jainelibrary.org
