________________
१४५
उपशमनादि करणत्रय-प्ररूपणा अधिकार : परिशिष्ट १
दसणखवणस्सरिहो जिणकालीओ पुमट्ठवासुवरि । अणणासकमा करणाइ करिय गुणसंकमं तहय ॥३६।। अप्पुव्वकरणसमगं गुणउव्वलणं करेइ दोण्हंपि । तक्करणाइं जं तं ठिइसंतं संखभागन्ते ।।३७।। एवं ठिइवंधो वि हु पविसइ अणियट्टिकरणसमयंमि । अप्पुव्वं गुणसेढिं ठितिरसखंडाणि बंधं च ॥३८॥ देसुवसमणनिकायणनिहत्तिरहियं च होय दिट्ठितिगं । कमसो असण्णिचउरिदियाइतुल्लं च ठितिसंतं ।।३।। ठितिखंडसहस्साइं एक्केक्के अन्तरंमि गच्छन्ति । पलिओवम संखंसे दसणसंते तओ जाए ॥४०॥ संखेज्जा संखिज्जा भागा खण्डइ सहससो तेवि । तो मिच्छस्स असंखा संखेज्जा सम्ममीसाणं ॥४॥ तत्तो बहुखंडते खंडइ उदयावलीरहियमिच्छं । तत्तो असंखभागा सम्मामीसाण खंडेइ ।।४२॥ बहुखंडते मीसं उदयावलिबाहिरं खिवइ सम्मे । अडवाससंतकम्मो दंसणमोहस्स सो खवगो ॥४३॥ अन्तमुहुत्तियखंडं तत्तो उक्किरइ उदयसमयाओ। निक्खिवइ असंखगुणं जा गुणसेढी परिहीणं ॥४४॥ उक्किरइ असंखगुणं जाव दुचरिमंति अंतिमे खंडे । संखेज्जंसो खंडइ गुणसेढीए तहा देइ ॥४५॥ कयकरणो तक्काले कालंपि करेइ चउसु वि गइसु । बेइयसेसो सेढी अण्णयरं वा समारुहइ ॥४६।। तइय चउत्थे तम्मि व भवंमि सिज्झंति दसणे खीणे । ज देवनरयऽसंखाउ चरमदेहेसु ते होंति ॥४७॥
Jain Education International
For Private & Personal Use Only
www.jainelibrary.org |
