________________
१४४
पंचसंग्रह : 8
गुणसंकमेण एसो संकमो होइ सम्ममीसेसु । अंतरकरणंमि ठिओ कुणइ जओ स पसत्थगुणो ॥२४॥ गुणसंकमेणसमगं तिण्णि थक्कत आउवज्जाणं । मिच्छत्तस्स उ इगिदुगआवलिसेसाए पढमाए ॥२५॥ उवसंतद्धाअन्ते बिइए ओकड्ढियस्स दलियस्स । अज्झवसाणविसेसा एकस्सुदओ भवे तिण्हं ॥२६॥ छावलियासेसाए उवसमअद्धाइ जाव इगसमयं । असुभपरिणामओ कोइ जाइ इह सासणत्तंपि ॥२७॥ सम्मत्तेणं समगं सव्वं देसं च कोइ पडिवज्जे । उवसंतदसणी सो अन्तरकरणे ठिओ जाव ॥२८॥ वेयगसम्मद्दिछि सोही अद्धाए अजयमाईया। करणदुगेण उवसमं चरित्तमोहस्स चेट्ठति ॥२९॥ जाणणगहणणुपालणविरओ विरई अविरओण्णेसु । आईमकरणदुगेणं पडिवज्जइ दोण्हमण्णयरं ॥३०॥ उदयावलिए उप्पि गुणसेढिं कुणइ चरित्तेण। अन्तो असंखगुणणाइ तत्तियं वड्ढई कालं ॥३१॥ परिणामपच्चएणं गमागमं कुणइ करणरहिओवि । आभोगणठ्ठचरणो . करणे काऊण पावेइ ॥३२॥ परिणामपच्चएणं चउव्विहं हाइ वड्ढई वावि । परिणामवड्ढयाए गुणसेढिं तत्तियं रयइ ॥३३॥ सम्मुप्पायणविहिणा चउगवया सम्मिदिपिज्जत्ता। संजोयणा विजोयन्ति न उण पढमट्ठिन्ति करेंति ॥३४॥ उवरिमगे करणदुगे दलियं गुणसंकमेण तेसिं तु । नासेइ तओपच्छा अन्तमुहुत्ता सभावत्थो ॥३५॥
Jain Education International
For Private & Personal Use Only
www.jainelibrary.org
