________________
चौथा कर्मग्रन्थ
सामाइछेयपरिहा,-रसुहुमअहखायदेसजयअजया। चक्खुअचक्खूओही, केवलदसण अणागारा।।१२।। किण्हा नीला काऊ, तेऊ पम्हा य सुक्क भव्वियरा। वेयगखइगुवसममि,-च्छमीससासाणं संनियरे।।१३।। आहारेयर भेया, सुरनरयविभंगमइसुओहिदुगे। सम्मत्ततिगे पम्हा, सुक्कासन्नीसु सन्निदुर्ग।।१४।। तमसंनिअपज्जजुयं,-नरे सबायरअपज्ज तेऊए। थावर इगिदि पढमा, चउ बार असन्नि दुदु विगले।।१५।। दस चरम तसे अजया, हारगतिरितणुकसायदुअनाणे। पढमतिलेसाभवियर-अचक्खुनपुमिच्छिसव्वे वि।।१६।। पजसन्नी केवलदुग,-संजयमणनाणदेसमणमीसे। पण चरमपज्ज वयणे, तिय छ व पज्जियर चक्खंमि।।१७।। थीनरपणिदि चरमा, चउ अणहारे दु संनि छ अपज्जा। ते सुहुमअपज्ज विणा, सासणि इत्तो गुणे वुच्छं।।१८।। पण तिरि चउ सुरनरए, नरसंनिपणिंदिभव्वतसि सव्वे। इगविगलभूदगवणे, दु दु एगं गइतसअभव्वं।।१९।। वेयतिकसाय नव दस, लोभे चउ अजय दुति अनाणतिगे। वारस अचक्खु चक्खुसु, पढमा अहखाइ चरम चउ।।२०।। मणनाणि सग जयाई, समइयछेय चउ दुन्नि परिहारे। केवलदुगि दो चरमा,-जयाइ नव मइसुओहिदुगे।।२१।। अड उवसमि चउ वेयगि, खइए इक्कार मिच्छतिगि देसे। सुहुमे य सठाणं तेर,-स जोग आहार सुक्काए।।२२।। अस्सन्निसु पढमदुर्ग, पढमतिलेसासु छ च्च दुसु सत्त। पढमंतिमदुगअजया, अणहारे मग्गणासु गुणा।।२३।। सच्चेयरमीसअस,-च्चमोसमणवइविउव्वियाहारा। उरलं मीसा कम्मण, इय जोगा कम्ममणहारे।।२४।।
Jain Education International
For Private & Personal Use Only
www.jainelibrary.org
