________________
चौथा कर्मग्रन्थ मूल
नमिय जिणं जिअमग्गण, गुणठाणुवओगजोगलेसाओ । बन्धप्पबहूभावे, संखिज्जाई किमवि वुच्छं । । १॥ इह सुहुमबायरेगिं, दिबितिचउअसंनिसंनिपंचिंदी । अपजत्ता पज्जत्ता, कमेण चउदस जियट्ठाणा । । २ । । बायरअसंनिविगले, अपज्जि पढमबिय संनि अपजत्ते । अजयजुअ संनि पज्जे, सव्वगुणा मिच्छ सेसेसु । । ३ । । अपजत्तछक्कि कम्मुर, लमीसजोगा अपज्जसंनीसु । ते सविउवमीस एसु, तणुपज्जेसु उरलमन्ने । । ४॥ सव्वे संनि पत्ते, उरलं सुहुमे सभासु तं चउसु । बायरि सविउव्विदुगं, पजसंनिसु बार उवओगा । । ५ । । पजचउरिंदिअसंनिसु, दुदंस दु अनाण दससु चक्खुविणा संनिअपज्जे मणना, - णचक्खुकेवलदुगविहुणा । । ६ । । संनिदुगे छलेस अप, ज्जबायरे पढम चउ ति सेसेसु । सत्तट्ठ बन्धुदीरण, संतुदया अट्ठ तेरससु । । ७ ।। सत्तट्ठछेगबंधा, संतुदया सत्तअट्ठचत्तारि । सत्तट्ठछपंचदुगं, उदीरणा संनिपज्जत्ते । । ८ । । गइदिए य काये, जोए वेए कसायनाणेसु । संजमदंसणलेसा, - भवसम्मे संनिआहारे । । ९।। मुरनरतिरिनिरयगई, इगबियतियचउपणिंदि छक्काया । श्रूजलजलणानिलवण, - तसा यमणवयणतणुजोगा । । १० ।। वेय नरित्थिनपुंसा, कसाय कोहमयमायलोभ त्ति । मइमुयवहि मणकेवल, विहंगमइसुअअनाण सागारा । । ११ । ।
Jain Education International
For Private & Personal Use Only
www.jainelibrary.org
