Page Text
________________
पुषभनिओ वेरसंबंधो] सोलसमो बालचंदालंभो। कद्दममुत्तरिउ, एयावत्थस्स य मे सेयं आहारपरिचायं काउं । भत्तं वोसिरियं जावज्जीवं । ___ अह य पुरोहितो वि चमरभावे वणदवग्गिजालपलित्तदेहो कालं काऊण वेराणुबंधजणियजम्मसंताणो कुक्कुडसप्पो जातो। वणविवरगएण य दिट्ठो हत्थी, संजायरोसेण य खइओ, विसपरिणओ नमोकारबहुलो 'इमो पहाणकालो, अण्णं च मे सरीरं, अहं अण्णो' त्ति मण्णमाणो पसत्थज्झाणोवगओ कालगतो महासुक्के कप्पे सिरितिलए विमाणे सत्तरससागरोवमठिईतो 5 देवो जातो । सियालदत्तेण वाहेण दंत-मोत्तियं च से गहियं । धणमित्तो य वाणिओ पच्चंते वलंजेति । वाहेण य से परिचयगुणेण पीईदाणं दिण्णं । ते य दंता पहाणमोत्तियं च 'सलक्खण' त्ति विण्णाउं धणमित्तेण ते मित्तयाए दिण्णा । तुमे परितुद्वेण संतेण पूइओ विहवसंपायणेण । एए य ते दंता सीहासणम्मि निउत्ता, मोत्तियं च चूलामणिम्मि । तं एरिसी संसारगती-सोगट्ठाणे तुट्ठी हवइ, भवंतरगयस्स पिउणो सरीरावयवे लबूण अण्णाणयाए॥10
सीहचंदो वि अणगारो विसुद्धेहिं संजमट्ठाणेहिं चरित्तसोहीए वट्टमाणो अपरिवडियसंवेगो दीहेण परियाएण उवरिमगेवेजेसु पीईकरे विमाणे एकतीसं सागरोवमहिती देवो भविस्सति ।
कुक्कुडसप्पो य वाणरजूहाहिवइणा कीलापुबं साहाओ साहं संकमिउकामेण गिहीओ, मारिओ य पंचमपुढवीए सत्तरससागरोवमद्वितीओ नेरइओ जातो, तत्थ परमअसुभं सुभदुल्लहं निप्पडियारं वेयणं अणुहवइ-त्ति कहिए पुण्णचंदो जायतिबसंवेगो सावअधम्मं 15 पडिवज्जति । ततो वंदिऊण सगिहमुवगतो।
रामकण्हा बहुं कालं केवलिपरियायं पाउणित्ता परिनिव्वुयाँ ।
सो वि य राया सविसए अमाघायं पोसहं च विहीए अणुपालेमाणो, समण-माहणे य पडिलाहेमाणो, जिणपूयाए य समुजुओ पसासइ रज्जं । दंडनीईए य मायापयोगमपडिकमित्ता भवंतरेत्थीवेयणिज्जणुभागी कयभत्तपरिच्चाओ महासुक्के कप्पे वेरुलिए विमाणे 20 देसूणसत्तरससागरोवमहितीओ देवो जाओ।
जंबुद्दीवयभरहे वेयड्ढे य उत्तरायं सेढीयं निचालोयमणिप्पभाहिं निच्चालोयं नाम नयरं । तत्थ अरीणं पराभवणसीहो अरिसीहो राया । तस्स सिरी विव कमलरहिया सिरिहरा देवी । ततो पुण्णचंदो देवो ठितिक्खएण चुओ सिरिहराए गम्भे विमलजसधरा जसोहरा नाम दारिया जाया । सा पालणगुणेण निरुवहयसरीरा निरुया आएज्जवयणा वा-25 गसंपन्ना रूवस्सिणी सयणबहुमया विधेया परिजण-विण्णाण-लायन्न-विणयालंकिया पत्तजोवणा उत्तराय सेढीयं पहंकरायं नयरीयं सुजावत्तस्स रण्णो महया अत्थसंपदाए दिण्णा, तस्स वि य बहुमया आसी । केणइ कालेण सिरितिलयदेवो सीहसेणजीवो चुओ जसोहराए गन्भे पुत्तत्ताए पञ्चायाओ । अविमाणीयदोहलाय कालेण य जातो रस्सिवेगो नाम कुमारो। कमेण य परिवड्डिओ संगहियकलाविहाणो य जुयरायाहिसेयं पत्तो। 30
कयाई च सुज्जावत्तो राया धम्मरुइ-धम्मनंदचारणसंबोहिओ रस्सिवेगसण्णि१ तदस उ २ मे० विना ॥ २ या । घोसावेति य राया शा० ॥
व०हिं. ३३
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |