Page Text
________________
२५६
वसुदेव हिंडीए
[विजुदाढ-संजयंताणं वणचरकयनामधेजो 'असणिवेगो' त्ति । सीहचंदो य अणगारो उज्जयो सज्झाए सुयसमुद्दपारंगतो अपडिबद्धो कयाइं च रजाओ रजं संकमिउकामो सगडसत्थेण अडविं पवण्णो । ठितो सत्थो, मुक्काणि सगडाणि, विसजिया वाहा, पसरिया तण-कट्ठहारा । हत्थी य सत्थसद्दमायण्णयंतो जवेण पत्तो तं पएसं । भीओ जणो दुग्ग-विसमपायवगहणाणि 5 य संसिओ । साहू वि जंतुविरहिए भूमिभाए सागारं पडिमं ठितो । असणिवेगो सगडाणि पलोएमाणो पडमंडवे फाडेमाणो वियरति । साहू य णेण दिट्ठो।
पिच्छमाणस्स य से पसण्णा दिट्ठी, निव्वुययं हिययं, चिंतेउं पवत्तो-'कत्थ मण्णे मया दिद्वपुबो ?' त्ति चिंतंतस्स य से तदावरणिज्जाणं कम्माणं खओवसमेण उप्पण्णं जाईसरणं ।
ततो सुमरियपुवभवो अंसूणि विणिम्मुयमाणो पडिओ पाएसु साहुस्स नाइदूरे। तेण वि य 10 पारियपडिमेणं चिंतियं नूणं एस भविओ जाईसरो समुप्पण्णसंवेगो त्ति । उवउत्तेण य विण्णाओ, आभट्ठो य णेण-सीहसेण!मा विसायं वच्च, तुमं दाणसीलयाए नो उववण्णो नरए, अणिवारियधणतण्याए तिरिओ जातो । एवं भणिओ परं विम्हिओ-अहो! महाणुभागो मे पुत्तो जातो. अहवा दुहु मया चिंतियं, तवस्सी एस देवयं, असंसयं मणोगयं
पि मे जाणइ. भदं ते, एवंविहस्स मे खेमं उवदिसह त्ति । भणिओ य सीहचंदेण15 सुणाहि, अरहंता विगयराग-दोस-मोहा विदितजीवा-ऽजीव-बंध-मोक्खसब्भावा भूयत्थं
भणंति. न तेर्सि कयकिच्चाणं किंचि पवंचणे पयोयणं, तं पत्तिय जिणवयणं. मिच्छत्तसमोत्थयस्स हि जीवस्स जिणभासियपरम्मुहस्स विरतिपहदूरचारिणो सिणेहेसत्तस्स विसयरेणुओ कम्मरओ उप्पज्जति. ततो कम्मगरुययाए विविहजोणीगहणं जम्मण-मरण
बहुलं संसारं परिभमति. विसुद्धपरिणामैऽज्झवसाणे वट्टमाणस्स परितणुकियाणुहावस्स 20 जिणप्पणीओवलद्धनिव्वुइपहस्स निरुद्धाऽऽसवदुवारस्स तवसलिलपक्खालियकिलेससंचयस्स सिद्धसिलोगया भवइ त्ति पत्तिय पाणातिवायाओ मुसावायाओ अदिण्णादाणाओ मेहुणाओ परिगहाओ य सत्तिओ विरमसु, ततो सुगतिमविग्घेण गमिस्ससि, सिज्झियवयजोगो भविस्ससि-त्ति भणिओ भणति-सुणह भयवं!, जावजीवं बंभयारी विहरिस्सं, सेसाणं पुण वयाणं देसं पञ्चक्खाइस्सं ति । ततो साहुणा अरहंत-सिद्ध-साहुसक्खियं दिण्णाणि से 25 अणुबयाणि । अवधारियपंचनमोक्कारेण य पडिवण्णाणि भावओ। 'छट्ट-ऽढमेहिं भत्तेहिं
खमिस्सं ति कयाऽभिग्गहो साहुं वंदिऊण जणस्स थेवं परिहरंतो अवकतो, संविग्गो कयत्थमिव अप्पाणं मण्णमाणो अणिक्खित्ततवोवहाणो विहरति । पारणकाले य जत्तेण रीयंतो भग्ग-मिलाण-परिसडिय-पंडुपत्तकयाहारो विरागमर्गेमवढिओ कयाइ गिम्हकाले बहुकदमं अप्पोदयं सरमवतिण्णो पाणिय पाउं । जहा जहा अवगाहति तहा तहा अवस30 ण्णो, मंदप्पाणयाए य असत्तो नियत्तिउं । चिंतियं च णेण-अहं खमणकिलंतो असत्तो
१°वा सुह शां०॥ २ °हतत्त° उ २ मे० ॥ ३ °मरूवज्झाणे ली ३ ॥ ४ ली ३ विनाऽअन्यत्र-गवडिओ उ० मे। गहवडियो क ३ गो ३ । गमडिओ शां० ।।
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |