Page Text
________________
२३८
वसुदेवहिंडीए [सुभोमचकवट्टि-परसुरामाणं साहिया-एको रेणुकाए, एको देवीए । देवी भणति-पुत्त ! तुम नियगं चरुगं देहि त्ति, अवस्सं रिसिणा अप्पणो पुत्तनिमित्तं विसिट्ठसाहणं कयं होहिति. मम संतयं तुमं पउंजाहि त्ति । रेणुकाए चिंतियं-अहं मिगी जाया, मा मे पुत्तो एवं चेव रण्णवासी होउ. वरं मे
खत्तियचलं पासि ति । कओ चरुविवज्जासो। कमेण य पसूया रामं रेणका। 5 कयाइं च सत्थेण समं साधवो वच्चंति । अडवीपवेसो, जहा (प्रन्थानम्-६७००) एको
अहिनवदिक्खिओ गेलण्णाभिभूओ सत्थपरिहीणोजमदग्गिणा य दिट्ठो, नीओ आसमपयं, पयत्तेणं संधुकिओ। तेण तुढेण विजा दिण्णा अपडिहया । जमदग्गिणा साहिया । परिच्छानिमित्तं परसुं अहिमंतेऊण पउमसरे छुहेति । सो उत्वत्तो । लद्धपचओ सह सुएणं
जमदग्गी वि रणं परीति ।। 10 अण्णया य अणंतविरिओ राया हत्थिणपुराहिवो आगतो य आसमं । तेग रेणुगा
सह गावीहिं नीया । जमदग्गिणा सोऊण रामो परसुहत्थो पेसिओ । सो हतूण अणंतविरियं, नियत्तेऊण गावीओ, रेणुयं गहेऊण आगतो । हत्थिणपुरे अणंतविरियसुओ कत्तविरिओ राया जाओ । कम्मिय काले जमदग्गी जरापरिणओ अच्छति
आसमे । रामो परसुहत्थो एगागी अरणं असंकिओ भमति । 'अणंतविरिओ अणेण 15 मारिओ' त्ति कत्तविरिएण य मज्झदेसाहिरायाणो मेलिया । 'रामो उविक्खिओ सन्वेसिं विणासाय होज'त्ति ते समागया आसमपयं, जत्थ जमदग्गी । कत्तविरिएण मारिओ पिउमरणकारणवरेण । तं च मारेऊण अवकंता रायाणो ।रामो वि पिउमरणकुविओ खत्तिएहिं सह परसुहत्थो जुझिउ पयत्तो । कत्तविरिओ णेण मारिओ परसुणा । हयसेसका खत्तिया दिसोदिसं पलाया । रामो हत्थिणपुरमागतो। कत्तविरियअगमहिसी य तारा महर10 संडिल्लेहिं मंतीहिं नीणिया अंतरपत्ती पलायमाणी कोसियासमे पयाया । उम्मत्थिओ
पडिओ । तओ भूमिखायणाओ सुभूमो त्ति नामं कयं । मंतीहिं य सासिया देवी-भूमीखायतो जातो अम्हं भूमीपरिवड्डिओ एस राय त्ति । भूमिघरे पच्छण्णं परिवड्डइ । रामस्स य परसू कराए देवयाए परिग्गहिओ। ततो अणेण तस्स पभावेण खत्तिया विणा सिया । 'कत्तवीरियस्स मम य वेरयं, इयरे अणवराहा ममं अडवीए ठियं विवाडेउ इच्छंति 25 दुरायार' त्ति, एएग अमरिसेण सत्त वारा निक्खत्तिया कया पुहवी । जे य विणासति तेसिं दाढाओ उक्खणावेइ । जियसत्तू रामो हत्थिणापुरे रायत्तं कुणति । एएण कारणेण कोसियासमे सुभूमो परिवसति तावसकुमारवेसो मंतिपरिग्गहिओ। अहिगयवेरकारणो रामं च विणासेऊण भरहसामी भविस्सति नचिरेणं-ति मुणिणा कहिए मेघनाओ वंदिऊण मुणिणो सनयरमतिगतो ।। 30 कोसिकासमं च गंतूण दिट्ठो पेण सुभूमो कुमारो तणुकजलहरपच्छाइयबिंबो विव सरददिवाकरो । तारा अणेण भगिणीभावेण थाविया । रामेण य नेमित्ती पुच्छिओ-पइ१°कएण वे° शां. ॥२ जिझयं प° शां० ।।
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |