Page Text
________________
वाहभत्र संबंधो ]
एगवीसइमो के उमतीलंभो ।
२२९.
ततो ते अपराजिय- अणतविरिया विसुद्धसम्महंसणा, द्वाणरुई, साणुकोसा, सहसत्तेसु य सदाकालं सावराहीसु अणवराहीसु य सरणागयवच्छला, जिण साहुपूयारया चउरासीतिं पुइसयसहस्साइं भोए भुंजिऊण अणुविग्गा । ततो अनंतविरिओ उचितsसायवेयणीओ निबद्धनिरयाऊ कालं काऊण गतो पढमं पुढविं बायालीसवास+ सहसहिती | धरणो य सिणेहेण वेयणापडिघायं करेइ अभिक्खं । अपराजिओ वि 6 भाविओगदुखिओ निक्खित्तपुत्तरज्जभारो सोलसहिं राइसहस्सेहिं समं राइड्डि पजहिता जसहरगणहरसमीवे निक्खंतो बहुं कालं तवं काउं देहविओगे आरण-चुए सुरिंदो जातो ।
अणतविरिओ वि पसत्थपरिणामो नरया उब्बट्टो जंबुद्दीवगभरहे वेयढगिरिवरे उत्तरला सेटीए गयणवल्लहे नयरे मेहवाहणो राया, तस्स भज्जा मेहमालिणी, तेर्सि पुत्तो जाओ मेहनाओ नामं । कमेण परिवडिओ विज्जाहर-चक्कवट्टिभोए भुंजइ दसुत्तर - 10 नयरसए पुत्ते रज्जे ठविऊण । अण्णया कयाई मंदरगिरिं गतो नंदणवणे सिद्धाययणे पणती भावेण पूयं । देवा य अवइण्णा तं समयं । तत्थ अच्चुयईदेण बोहिओ पुत्तेसु निसरज्जधुरो अमयगुरुस्स पासे पवइओ । अन्नया गिरिनंदणपवयं आरुहिय एगराइयं पडिमं ठितो । आसग्गीवसुओ से उवसग्गे करेइ । ते समं सहइत्ता पारियपडिमो बहुं कालं तव -संजमरओ विहरिऊण देहभेदकाले अनुए कप्पे देवों सामाणो जातो 115 संतिजिणपुच्चभव कहाए वजाउहभवो
तत्थ दिवं सोक्खमणुहविऊण निरुवमं अपराजियदेवो चुओ समाणो इहेव जंबुद्दीवे विदेहे सीयाए महानदीए दाहिणे कूले मंगलावईविजए रयणसंचयपुरीएँ खेमंकरो नाम राया, तस्स भज्जा रयणमाला नाम, तेसिं पुत्तो वज्जाउहो कुमारो जाओ, कमेण जोब - णमणुपत्तो, तस्स भज्जा लच्छिमती । मेहनादो देवो सुरजीवियक्खए तेसिं पुतो सहस्सा - 20 हो नाम जातो, सो वि कमेण वड्ढिओ । तस्स कणयसिरी भज्जा, पुत्तो से सयबली ।
अह अण्णा खेमंकरो राया दिखाए मणि-रयणमंडियसद्दाए सुय णत्तुय-पोत्तपरिकिण्णो अच्छइ । देवो य ईसाणकप्पवासी नाहियवादी चित्तचूलो नाम बादत्थमुवगतो । सो य वज्जाउहेण जिणवयणविसारएण वाए पराजिओ । सम्मत्तं च पडिवण्णो चित्तचूलो मिच्छत्तं वमिऊण । इसार्णिदेण परमतुट्ठेण अहिनंदिओ पूइओ य वज्जा- 25 उहो जिणभत्तिएण 'तित्थयरो भविस्सइ' ति ।
अणया सुदंसणा नाम गणिया वसंतकुसुमपडलगहत्थगया वज्जाउहमुवगया, ताणि कुसुमाणि दंसित्ता वज्जावहं विष्णवेइ - देव ! लच्छिमई देवी विष्णवेइ - सामिय ! सूर
१ 'तसायासायवे ली० य० उ० विना ॥ २ °हिऊण जस° शां० । 'हित्तु जस° उ०मे० ॥ ३ तीसे पुत्तो शां० ॥ ४ नाम विजा० शां० विना ॥ ५°मं आराधयित्ता शां०। मं सहिता उ० मे० ॥ ६ वो इंदसाली ३ ॥ ७°ए रयणसंचभो नाम ली ३ उ० मे० ॥ ८ दिऊण पू° ली ३ ॥ ९ या राइया णाम उ सुदंसणा णामं वसंत शां० ॥
व० हिं० ४२
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |