Page Text
________________
२९६ वसुदेवहिंडीए
[कामपडागासंबंधे सद्दावेत्ता भणइ-कहं तुम्भे भणह 'जिणदासाउ' ? त्ति । तेहिं जहाभूयं सिढे । जिणदासो पूइत्ता विसजिओ॥ मेहुणस्स दोसे पूसदेवस्स गुणे य जिणपालियस्स आहरणं
चउत्थे-वसंतपुरं नयरं । नलपुत्तो राया । करालपिंगो पुरोहिओ । तेण य राया 5 परितोसिओ 'वरदो' त्ति भणइ । तेण भणियं-जं महिलं पिच्छामि रूविणिं तं गिण्हामि त्ति। रण्णा भणियं-जा इत्थिया इच्छइ तं गिण्हसु. अणिच्छंतिं गिण्हसि पत्थेसि वा तो ते जो पारदारियस्स दंडो तं करेमि त्ति । तत्थ य पूसदेवो नाम वाणियओ तस्सेव पुरोहियस्स मित्तो, तस्स य पउमसिरी भारिया, विजुलइया दासचेडी । सा य विजुलइया तेण
पुरोहिएण भणिया-पउमसिरि तहा करेहिं जहा ममं इच्छइ त्ति । तीय य भणिया 10 पउमसिरी। पउमसिरीए य अप्पणा पुरोहिओ भणिओ-मित्तो ते जाणिहिति त्ति ।
तेण भणियं-तहा करेमि जहा न जाणइ । तं च पउमसिरीए पूसदेवस्स कहियं पुरोहियचरियं । पुरोहिएण य रण्णो सीसदुक्खं कयं । रण्णा पुरोहिओ सद्दाविओ-सज्जवेहि । सजवियं च णेण । ततो पुरोहिओ रायं भणइ-एस पूसमित्तो किंजंपिदीवं किंजंपि
सउणगाणं कारणा गच्छउ, ते सुरूवा महुरं च लवंति । रण्णा पूसमित्तो सहाविउ भणिओ, 15 जहा-किंजंपिदीवं किंजंपिसउणगाणं वच्चसु । तेण पडिवण्णं, वेइयं च पुरोहियचरियं ।
घरे य गेण भूमिघरयं खणावियं । पञ्चइयपुरिसा य तत्थ ठविया, भणिया य-पुरोहियं बंधेऊण पच्छण्णं मम समप्पेजह, निजह निग्गमएण । निग्गओ पुरोहिओ, दासीए पच्छण्णं आणेत्ता पल्लंके निवेसाविओ, पडिओ भूमिघरे, पुरिसेहिं बंधिऊण पूसमित्तस्स
समप्पिओ। पच्छण्णं चेव तेण णीओ। छण्णं(ण्ह) मासाणं पडिनियत्तो रण्णो कहेइ-सुबहू 20 मए किंजंपिसउणगा गहियाँ, एको आणीओ, तं पेच्छह । तेण सो पुरोहिओ मयणेण लेच्छारेत्ता नाणाविहेहिं पिच्छेहिं मंडिओ । रण्णा भणियं-केरिसं लवेइ ? । पुरोहिओ आराए विद्धो लवइ-किंजपं किंजपं । ततो राया पेच्छिउं परं कोउयं गतो । दंतेहिं पञ्चभियाणिओ । पेच्छइ पुरोहियं पिच्छेहिं वेढियं । रण्णा पूसदेवो पुच्छिओ-किं
एयं? । तेण सिटुं-जहा एसो दुस्सीलो, अणिच्छिया महिलिया गेण्हति पेच्छइ य। 25 तओ रण्णा अओमई इत्थिपडिमं अवयासाविओ मओ। एए अणियत्तीदोसा ॥
इदाणिं पसत्थं-महुराए अजियसेणो नाम राया, तस्स अग्गमहिसी मित्तवती। अण्णया य जवणरण्णा अजियसेणस्स रण्णो नेउरं एकं सु?-सुद्ध-मेहल्लयं पाहुडं विसजियं । तं रण्णा मित्तवतीए दिण्णं । मित्तवती रायं भणइ-सामि! वीयं एरिसं
घडावेह । रण्णा सुवण्णकारसेणी सहाविता । तं पडिच्छंदओ दिण्णो-बीयं एरिसं घडेह । 30 तं सेणीए जिणपालियसुवण्ण कारदारयस्स पणामियं 'एस परमनिसणो' त्ति । सो य तं पच्छण्णं भूमिघरे घडेइ, घडेत्ता रण्णो उवट्ठवेइ । राया य तं पिच्छिऊण परं विम्हियं
१°च्छियं गि° शां०॥ २ पउमावती भा क ३ विना ॥ ३ °या। ते सवे मया एको शां० विना॥ ४ °ह सकं म° उ २ कसं० । हु अक्कं म° शां० ॥ ५ मइलयं शां० विना ॥
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |