Vasudevhindi Part 1

SR No.: 001888
Original Sutra Author: Sanghdas Gani
Author: Chaturvijay, Punyavijay
Publisher: Atmanand Jain Sabha
Publication Year: 1930
Total Pages: 210
Language: Sanskrit
Classification: Book_Devnagari, Story, & Literature
File Size: 18 MB

Page 88

रामकण्हऽग्गमहिसीणं परिचओ] पेढिया । सेणाणुमईए रामसहिओ कण्हो गंधारिं सपरिवारं गहाय वारवतिमुवगतो । सा वि बहुसक्कारेण पूइया जऊहिं । दिण्णो से पासाओ विमाणोवमो ४ ।
सिंहलदीवे राया हिरण्णलोमो, तस्स देवी सुकुमाला नाम, तेसिं दुहिया लक्खणलया लक्खणा णाम, पुत्तो य तस्स रण्णो जुयराया दुमसेणो । दूओ य पेसिओ कण्हेण सिंहलदीवं, सो आगतो कहेइ-देव ! हिरण्णलोमस्स रण्णो दुहिया देवया विव रूव-5 स्सिणी, सा तुम्ह जोग्गा. सा य किर दाहिणवेयालीए समुद्दमजणं सेवमाणी देवचणवक्खेवेण मासं गमेहिइ दुमसेणेण सारक्खिया. ता कीरउ आयरो रयणसंगहस्स । तस्स वयणेण राम-केसवा गया समुद्दतीरं, दुमसेणं तुं सपरिवारं लक्खणकुमारिं गहाय सपुरिमागया । हिरण्णलोमेण य रण्णा विउलो अत्थो पेसिओ, 'पुवचिंतिओ मे मणोरहो संपुण्णो त्ति पणओ हं आणाविधेउ' त्ति ५।
10 अरक्खुरीए नयरीए रट्टवद्धणो राया, तस्स देवी विणयवती, पुत्तो णमुई नाम जुवराया, तस्स भगिणी सुसीमा सुसीमा इव वसुमती मणोहरसरीरा । सा सुरट्ठाविसए पभासतित्थं मजिउं गया णमुइसहिया।सा कहिया चारपुरिसेहिं माधवस्स । गतो रामसहिओ, नमुई हंतूण सपरिवारं सुसीमं घेत्तण लच्छिं पिव वितियं जायवपुरीमागतो। सा वि सकारिया कुलगरेहिं, दिण्णो य पासादो ६ ।
गगणनंदणे (ग्रंथानम्-२१००) नयरे जंबवंतो राया विजाहरो, तस्स य भजा सिरिमई, पुत्तो जुवराया दुप्पसहो नामा, धूया य से जंबवती। सा चंदा-ऽरविंदाणि मुहसोहाए अइसयति, णयणजुयलेण य सभमरकुवलयजुगलं, थणजुयलेण य पीणुण्णय-निरंतरेण बालतालफलसिरिं, लताओ य सपल्लवाओ बाहाजुयलेण, मझेण य तिवलि विभंगुरेण वजमझं, जहणवित्थारेण भागीरहिपुलिणदेसं, ऊरुजुयलेण गयकलभनासाभोगं, जंघाजुयलेण 20 कुरुविंदावत्तसंठिति, कमजुयलेणं कुम्मदेहागिति, सुकुमालयाए सिरीसकुसुमसंचयं, वयणमहुरयाए वसंतपरहुर्यवायं । सा चारणसमणेण 'अद्धभरहाहिवभजा भविस्सइ' त्ति आदिहा। ततो सो जंबवंतविजाहरराया 'तं गवेसिँस्सामि' त्ति गंगातीरे सनिवेसे सन्निविट्ठो।सा य कुमारी अभिक्खं गंगानदि मजिउं एइ सपरिवारा। विजाहरेण य इक्केण सेवानिमित्तं कण्हस्स निवेदिता । सो अणाहिहिसहिओ तं पएसं गतो, दिट्ठा अणेण गंगापुलिणे कीलमाणी, 25 रूवमुच्छिएण य हिया । निवेइया रण्णो, सो रूसिउ आगतो सयं, जुज्झिउं च अणाहिट्टिणा सह संपलग्गो । भणिओ य णेण राया-अयाणुगो सि तुम, कण्हस्स वासुदेवस्स नेऊण कुमारी देया, तं जइ तेण सयमेव हिया णणु सोहणं. किं न याणसि से पहावं ? देवप्पसायं च ? त्ति । ततो सो उवसंतो, भणितं [च सुट्ठ कुमार ! भणसि. मम वि चारणसमणादेसं पमाणं करेंतस्स एसेव अहिप्पाओ आसी. तं अहं तवोवणं गमिस्सं, दुप्पसहो 30
15
१ या लक्खणा शां० विना ॥ २ मणह शां०॥ ३ सिरी शां० विना ॥ ४ यणिणायं ली ३ ॥ ५ सिस्सं ति त्ति शां० ॥ ६ याणासि शां०॥