Page Text
________________
७८
वसुदेवहिंडीए
राम-कहाणं अग्गमहिसीणं परिचओ
तत्थ रामस्स बलदेवस्स रेवई अग्गमहिसी । सा उण रेवयस्स माउलस्स दुहिया रती विव रूवरिसणी ।
5
कण्हस्स उग्गसेणस्स दुहिया सच्चभामा णाम सची विव सकस्स बहुमया १ ।
रिट्ठपुरे य रुहिरस्स रण्णो देवी सिरी, तीसे दुहिया पउमावती । तीसे य पिडणा सयंवरो दिण्णो त्ति । वासुदेवस्स चार पुरिसेहिं निवेइओ सयंवर दिवसो । देवदिष्णेणं रहेणं दारुगसहाओ गओ सयंवरभूमिप्पएसं । निग्गया य कुमारी सहिजणकयपरिवारा | मंचारूढा य रायणो तीसे दंसणूसुया ट्ठिया । उइण्णो य कण्हो रहाओ । दिट्ठा य ण पउमावती परमवणनिग्गया इव पउमनिलया, पउमवरमणहरमुही, कण्णा लक्खणविण्ण10 पूजित कोमलचलणारविंद - जंघोरु सोणिमंडला - नाभि - मज्झ थणजुयल - बाहुलतिका-करतलकिसलय-सिरोधरा-दसर्णवसण-ऽच्छि- कण्ण-नासा - कवोल - सिरकेस-गमण-भासित- हसिया, कयली-लवंगकंती । रुइया य से दिट्ठीए नवजलदावली विय मयूरस्स । तीसे वि सो चक्खुविसयमागतो । चिंतियं च णाए – कयरो मण्णे एस देवो सयंवरे को ऊहल्लेण इहमागतो ? । जाव सा एवं संकप्पेइ ताव कण्हेण रूवाइसैयविम्हिय हियएणं भणिया पउमावती15 अहं वसुदेवसुतो हरामि त्ति न ते भाइयां ति । वणलया इव वणगएण उक्खित्ता दुयं विलइया रहं । ततो दारुगसारहिणा घोसियं -सुणंतु सयंवरेंस मागया खत्तिया !, दसारकुलकेऊ वासुदेवो हरइ कुमारिं. जो न सहइ सो पच्छओ लग्गड त्ति । तयणंतरेण दामोयरेण कुसुमकलावधवलो पंचयण्णो संखो उद्धतो । तं च सद्दं सुणंती परमावती सहसा भीया कण्हरस वच्छत्थलमल्लीणा, तेणॆ य समासासिया । अपुत्रसहसम्मोहिया य 20 खत्तियसेणा । पउरा य मण्णंति - किष्णु परियत्तइ भूमी ? जोइसचक्कं व निवडइ धरविट्टे ? समुद्दो वा वेलमइक्कमइ ? त्ति । जाव ते सत्था न भवंति ताव बहूणि जोयणाणि वइक्कंतो, निवाघाएण पत्तो बारवतिं । रोहिणी - देवईहि य परितुङमाणसाहिं बहुसक्कारेण य सक्कारिया पउमावती । दत्तो से पासाओ देवनिम्मिओ परिचारियाओ य । पिउणा वि पेसिओ अत्थो विउलो किंकरीओ य २ ।
[ पज्जुण्ण संबकुमार कहा संबंधे
25 सिंधुविसए वीइभयं नगरं । तत्थ य मेरू राया, चंदमती देवी, तीसे दुहिया गोरी । तेण य रण्णा पेसियं कुलगराणं - कण्हस्स कुमारिं देमि, संबंधाणुग्गहेण मं अणुहह ति । तेहिं अभिचंदो पेसिओ । सो विउलकोस-पेसवग्गं गहेऊण आगतो । वासुदेवो य तीसे पाणिं गाहिओ वुद्धेहिं कुलगरेहिं । तीय वि दिण्णो रयणपासाओ ३ ।
गंधार जणवर पोक्खलावईनगरीए नग्गई नाम राया, देवी य मरुमती, सीसे वीस30 सेणो पुत्तो जुवराया, तस्स भगिणी गंधारी रुववती रूवगए गंधवे य परिणिट्ठिया । वीस
Jain Education International
१ सवण शां० विना ॥ २ 'राकुतूहलेन इहागउ ? ति शां० ॥ ३ सयहिएणं शां० विना ॥ ४ रमा शां० विना ॥ ५ण सा यः डे० ॥ ६ चारओ य शां० विना ॥ ७ तीए क ३ ॥
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |