Page Text
________________
वसुदेवहिंडीए । पज्जुण्णसंबकुमारकहासंबंधे ते य परिपालणीओ, खमह मे अयाणओ अतिक्कम । तओ ते जंबवती धितिं पिव बितियं गहेऊण बारवतिमुवगया। पूइओ य जायवेहिं सभारिओ । दुप्पसहो य कुमारो जंबवईपरिचारियाओ विउलं च वित्तं गहाय उवगतो, पणओ राम-केसवाणं । तेहि वि बंधुववहारेण पूइओ गतो सपुरं । जंबवतीए दत्तो पासादो कण्हेण ७ । 5 वियब्भाजणवए कुंडिणिपुरं नाम नयरं । तत्थ भेसगो राया, विजुमती देवी, तेर्सि पुत्तो रुप्पी कुमारो, रुप्पिणी य दुहिया । सा य वासुदेवस्स नारएण निवेदिता, भणइकण्ह ! सुणाहि-मया रायंतेउराणि बहुयाणि दिट्ठाणि. जारिसी पुण कुंडिणिपुरे रुप्पिणी नाम कण्णया तारिसी बीया नै होज त्ति तक्केमि । सा सहस्सरस्सिरंजियसयवत्तकंतवयणा,
वयणकमलनालभूयचउरंगुलप्पमाणकंधरा, मउय-सुवट्टित-सिलिट्ठ-संठिय-तणुय-सुकुमाल10 सुभलक्खणसणाह-किसलयुज्जलबाहलतिका, करपरिमिय-वट्टहारपहसिय-पीणथणजुयलभार
सीदमाणवलिभंगवलियमज्झा, ईसिंमउलायमाणवरकमलवियडणाभी, कण्णालक्खणवियक्खणपसंसियमदणसरनिवारणमणुज्जसोणिफलका, खंभणिभ-परमसुकुमाल-थिर-वरोरू, सुलीणजाणुप्पएसा, गूढसिर-रोमगोपुच्छसरिसजंघा, नवनलिणिकोमलतल-कमलरागसप्पभन
हमणिभासियपसत्थचलणा, सवण-मणग्गाहिरिभितवयणवियक्खणा, आलओ गुणाणं । 15 एवं च नारदो रुप्पिणि कण्हस्स हिययसाहीणं काऊण उप्पइओ । रुप्पिणीए अणेण वासुदेवगुणा कहिया ।
एयम्मि य देसयाले रुप्पिणी सिसुपालस्स दमघोससुयस्स दत्ता । रुप्पिणिपिउच्छाए य एवं पवित्तिं सोऊण विरहे भणिया-पुत्ति रुप्पिणि! सुमरसि जं सि बालभावे दो वि
अइमुत्तएण कुमारसमणेण णभचारिणा भणिया 'वासुदेवस्स अग्गमहिसी भविसति' त्ति ?। 20 तीए भणियं-समरामि । सा तं भणइ-पुत्त! जह वागरियं तेण मुणिणा तहा तं, न एत्थ
संसओ. बलदेव-वासुदेवा अवरंते सुवंति, समुद्देण किर से मग्गो दिण्णो, धणदेण णयरी णिम्मिया बारवती, रयणवरिसं च बुढे. 'वासुदेवो य किर सिसुपाल-जरासंधे वहेहिं' त्ति वाओ पवत्तइ त्ति. चेइपंइणो य तुमं सि दत्ता रुप्पिणा. सिसुपालं हंतूण वि
तुमं कण्हो गेण्हंतगो, तं मा ते वयणीययं होहिति. जइ तवाणुमयं दामोयरस्स पेसेमि 25 अहं ति । रुप्पिणीए भणिया-पिउच्छा! तुन्भे ममं पभवहा पिउणो अणंतरं, जं च मे हियं तत्थ तुब्भे मे पमाणं।
ततो तीए पच्छण्णं पुरिसो पेसिओ बारवती लेहे गहेऊण, ते विवाहदिवसनिरुत्तपट्ठिओ वित्थिजत्ता कुमारीदाणस्सफला, सिसुपालवंचणनिगूढवयणा य लेहा उवणीया कण्हस्स । 'वरदानदीतीरे य नागघरचणववदेसेण कुमारिनिग्गमो, तत्थ मिलियवं' ति कहियं तेहिं
१°वती डे० शां० विना ॥ २ कुंडिणपु° शां० विना॥ ३ न दि त्ति ली ३॥ ४ °लउज्ज° उ २ ॥ ५ °गकलि° शां० ॥ ६ °ण भवारिणा उ २ ली ३॥ ७°स्ससि त्ति शां० विना ॥ ८ पुत्ति क ३ ॥ ९ उ. विनाऽन्यत्र-हि त्ति वाओ, चेइ शां० । हिति चेइ ली ३ क ३ गो ३॥ १० °पयणो शां० ।। ११°त्तपवत्तिजुत्ता कु° उ २ ॥ १२ वरगाण° उ २॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |