Vasudevhindi Part 1

SR No.: 001888
Original Sutra Author: Sanghdas Gani
Author: Chaturvijay, Punyavijay
Publisher: Atmanand Jain Sabha
Publication Year: 1930
Total Pages: 210
Language: Sanskrit
Classification: Book_Devnagari, Story, & Literature
File Size: 18 MB

Page 83

धम्मिल्लहिंडीए [धम्मिल्लपुत्वजम्मकहाए __ ततो तत्थ सवपियाजणसहिओ अवितण्हमोइयवो कालं गमेइ । बहुए वि काले समइक्कते विमलसेणाए रायधूयाए पुत्तो जाओ, नामं च से कयं 'पउमनाहो' त्ति । सो य कमेण संवडिओ, गहियविजो य पिउणा पुवकम्मपुण्णोदयनिविट्ठ() अप्पणो य सुकयकम्मविसेसोदयं अणुहवंतो अच्छइ । एवं च से मित्त-बंधु-पुत्त-पियाजणसहियस्स सुहेण कालो वोलेई । 5 अह अन्नया कयाई बहुजणवएसु विहरमाणो जिणोवइटेण विहिणा, सबजगजीवसारणीओ, सुओवइटेणं विहिणा धम्म उवदिसंतो, बहुसीसपरिवारो, समणगणगामणी धम्मरुई नाम अणगारो कुसग्गपुरं नाम नगरं आगओ, वेभारसेलसिहरे समोसढो, साहुजोग्गे फासुए देसभागे अहापडिरूवं उग्गहं ओगेण्हित्ता संजमेणं तवसा अप्पाणं भावमाणो विहरइ । सुयं च रण्णा अमित्तदमणेणं-अन्ज किर चउनाणोवगओ भयवं मेघदुंदुभि10 समनिग्घोसो धम्मरुइमणो धम्मरुई नाम अणगारो इहं समोसढो त्ति । ततो हरिसवस
समुल्लसियरोमकूवो धम्मरागमती कोऊहल्लेण गतो राया णगरजणो य । धम्मिल्लस्स वि य तस्स भयवओ आगमणं कोडुंबियपुरिसेहिं निवेइयं । तओ सो हट्ठमणसो संभंतो नियगपरिवारसंपरिखुडो पत्तो वेभारगिरिसमीवं, पेच्छइ य तव-चरण-करणोवसोसियसरीरेहिं
उवसोहियं गिरिसिहरपायमूलकंदरं समणगणेहिं, ते य भयवंतो पणमंतो पणमंतो अइक्क15 मति; पेच्छइ य पुरओ समणगणगंधहत्थिं मिउ-विसद-महुर-मणहरेहिं वयणेहिं धम्म परि
कहेंतं, उवगंतूण य णेणं पणमिओ । ततो तेहिं भयवंतेहिं समग्गसग्गसोवाणभूऍहिं धम्मेणं बद्धावितो, कहिओ य णेहिं सबजगसुहावहो धम्मो । कहावसाणे य धम्मिल्लेणं वंदिऊण तवविहिं पुच्छिओ भयवं तीय-पडुप्पन्नम-ऽणागयजाणओ-किं मया पुत्वभवे कयं जेण अहं सुह-दुक्खपरंपरं पत्तो मि ? । ततो साहुणा भणियं20 धम्मिल्लपुवजम्मकहाए सुनंदभवो
धम्मिल्ल! तुम इओ य तईयभवे-इहेव जंबुद्दीवे दीवे भारहे वासे भरुयच्छं नाम नयरं । तत्थ य राया जियसत्तू नाम, भज्जा से धारिणी नाम । तत्थ य नगरे गहवई कुल-रूवाणुविहवो महाधणो नाम जिणसासणसुइपरिवज्जियमईओ, तस्स य भज्जा सुनंदा
नाम, तीए पुत्तो-सुनंदो नाम नामतो आसी । कमेण य परिवड्डिओ सातिरेगमट्ठवास25 जायओ अम्मा-पिऊहिं कलायरियस्स उवणीओ। तत्थ य जहाणुरूवो कलासु अब्भासो कओ।
तओ केणइ कालंतरेण तस्स दारयस्स अम्मा-पिऊणं पुवसंगया पियपाहुणया आगया। ततो तेहिं ससंभमं उवगूढा, आभासिया य निद्ध-महुरेहिं वयणेहिं, कुलघराइणायखेम-कुसलेणं संपूइया, विदिण्णाऽऽसणा य उवविठ्ठा, दिण्णपायसोया य सुहंसुहेण वीसत्था अच्छंति। ततो सो दारओ पिउणा भणिओ-पुत्त! सोयरियपाडयं गंतूणमामिसं आणेहि त्ति । ततो 30 सो पाहुणयपुरिससहिओ मोल्लं गहाय गतो सोयरियपाडयं । तत्थ य तदिवससंपत्तीए
१°विरहमोउ २ विना॥ २ लेह अण्णजणमणोरहपत्थणाहो असमुदयसुहो। अह अन्नया शां. ली ३॥ ३ एणं घ. उ२॥४ पत्तो त्ति उ२॥५यसोहिया पिशा॥