Vasudevhindi Part 1

SR No.: 001888
Original Sutra Author: Sanghdas Gani
Author: Chaturvijay, Punyavijay
Publisher: Atmanand Jain Sabha
Publication Year: 1930
Total Pages: 210
Language: Sanskrit
Classification: Book_Devnagari, Story, & Literature
File Size: 18 MB

Page 82

मेहमालाए पाणिग्गहणं] धम्मिल्लचरियं ।
अन्नया कयाइ पियजणसहिओ अभितरिल्ले चाउसाले अच्छइ । वसंततिलयाए भणिओ-अजउत्त! अपुरो हु ने हिजो वेसालंकारो इह अइंतेण कामभोगरमणीओ कओ त्ति । ततो तेण चिंतिऊण आसंकियहियएण भणिया-सुंदरि ! तुम्हं विम्हावणनिमित्तं ति । एयं च भणंतो निग्गओ । ततो तेण चिंतियं-नूणं खु अण्णपवेसो इहं भवणे नत्थि. तओ मझ पडिरूववेसधारी विजाहरो भविस्सति । तस्स य वहणोवायं चिंतेउं सवैभवणप्पएसेसुं सिंदूरो5 विकिन्नो, गहियपहरणो य तस्सागमणं पडिच्छमाणो अच्छति । ततो मुहुत्तंतरस्स दिट्ठो य णेणं तस्स पयसंचारो । ततो य पयमग्गमणुसरंतेण वाहिया असिलट्ठी । ततो छिण्णो दुहाकओ पडिओ धरणियले, दिट्ठो य विजाहरो विसज्जाविओ, सकारिओ य सो भूमिप्पएसो। ___ तओ धम्मिल्लो पुरिसवधासंकियहियओ रइं अविंदतो अण्णदिवसे अप्पणो उववणं पविट्ठो, उवविठ्ठो य सद्दलॅसच्छमे असोयसमल्लीणे पुढविसिलापट्टए पच्छातावसंतत्तहियओ 10 तं चेव चिंतयंतो अच्छइ । ताव य असोयमंजरीहिं सॉपच्छाइयसरीरा, नवजोबणसालिणी, थणभरोनमियगायलट्ठी, पीवरजहणभरं समुबहमाणी, सणियं चलणे समुक्खिवमाणी, रत्तंसुयएकवसणा, अच्छेरयपेच्छणिज्जरूवा, थेव-महग्घाभरणा उवागया तस्स सेमीवं । दिट्ठा य णेण अविइण्हपिच्छणिजरूवा-ऽतीवग्गरत्तबिंबाहर-सुद्धचारुदंतपंती पसन्नदसणा । सा पुण-'अजउत्त! अवहियो सुण-अस्थि इह चेव वेयडपब्वयस्स दाहिणिलाए सेढीए 15 सन्निविटुं विजाहरनयरं असोगपुरं । तत्थ य विज्जाहरराया मेहसेणो नाम, भज्जा से ससिप्पभा नाम, ताण य दुवे पुत्तभंडाणि-मेहजवो पुत्तो, अहं च मेहमाला । तओ विजाहरराया अम्ह माऊए सह संपहारेइ-को मम इह अवसाणे राया भविस्सइ ? । आभोएऊणं विजाए दह्ण भणिया णेण अम्मा-'एस अविणीओ मेहजवो मेहमालाए भत्तारेण विणासिजिहि त्ति अण्णो य इहं राया भविस्सई' त्ति भणिए अम्मा विसण्णा 120 सो वि मेहजवो मज्झं नेहाणुराएण उज्जाण-काणण-नदि-गिरिवरे रमणीयाणि खेल्लणयाणि पइदिवसमाणेइ, मुहुत्तं पि मम विरहं नेच्छइ । अहमवि भाउणो नेहाणुरत्तहियया तस्स विरहे सुदंसणूसुया होमि । एवं च णे वच्चइ कालो । ततो अज सो ततिए दिवसे निग्गतो ममं पुच्छिऊण 'मेहमाले ! कुसग्गपुरं वच्चामि त्ति । ततो अहं तस्स अणागमणलोभेण इहमागता । सुयं च मे, जहा—विजाहरो धम्मिल्लेणं मारिओ त्ति । ततो अहं संजायरोसा 25 इहं असोयवणियमुवगया । ततो तुम मए दिट्ठो, दिढे य समाणे णट्ठो मे रोसो, लज्जा य मे संजाया, तं पसीयह, ममं असरणाए सरणं होहि' त्ति भाणिऊण चलणेसु से निवडिया । सा य णेणं वरहत्थीहत्थसण्णिभाहिं बाहाहिं छित्ता गंधणं विवाहधम्मेण विवाहिया, रतिविणोएण य धणियं उवगूढा । तो सा ववगयभाउसोगा जाया, पाविया य मणुस्सयसोक्खसारं । ततो तं गहाय नियगभवणं पविट्ठो।
30
१ ने दिवो ये ली ३ ॥ २ मम प° शां० ॥ ३°वेसु भ° क ३ ॥ ४ °लच्छलस शां० विना ॥ ५ सगासं उ २॥ ६ एवं ताण व° ली ३ ॥ ७°ण य विवाहेण विवाहधम्मे° उ २ विना॥
व.हिं० १.