Page Text
________________
सागडिअस्सोदतं ]
धम्मिल्लचरियं ।
तओ कवि दिवसेसु गएसु तेण पेल्लिसामी विष्णविओ - वच्चामि चंपंनयरिं, विसज्जेह मं ति । ततो तेण पूया-सकारिओ विसजिओ विमल कमल सेण सहिओ पत्थिओ चंपापुरिं । ततो सुहंसुहेणं गामंतरवसहीसुं वसंता संपत्ता चंपानगरीए अवभासं । तत्थ य नाइजणाणे उज्जाणव्भासे रहूं ठवेऊण भणिया णेण कमलसेणा - अच्छह तुभे हं, जाव अहं चंपं गंतूणं आवसहं गवेसित्ता आगच्छामि । ततो कमलसेणाए 5 भणिओ - अज्जउत्त ! पारणं पुर-नयर जणवएसुं अइसंघओ जणो परिवसइ, तं कय- विक्कयो वि सागडिओ जहा न छेलेज्जासि तहा अपमन्तो होज्जासि त्ति । ततो तेण भणिया कमलसेणा -- कहं कय- विक्कयलुद्धो सागडिओ ? । तओ सा भणइ --सुणह अज्जउत्त ! - नागरियछलिअस्स सागडिअस्स उर्दतं
अस्थि कोइ कहि गामेलओ गहवती परिवसइ । सो य अण्णया कयाई सगडं 10 धण्णभरियं काऊणं, सगडे य तित्तिरिं पंजरगयं बंधेत्ता पट्टिओ नयरं । नयरगतो य गंधि
पुतेहिं दीसइ । सो य तेहिं पुच्छिओ - किं एयं ते पंजरए ? त्ति । तेण लवियं- तित्तिरि त्ति । तओ तेहिं लवियं-- किं इमा सगडतित्तिरी विक्कायइ ? । तेण लवियं- आमं, विक्कायइ । तेहिं भणिओ - किं' लब्भइ ? | सागडिएण भणियं - काहावणेणं ति । ततो तेहिं काहावणो दिण्णो, सगडं तित्तिरं चं घेत्तुं पयत्ता । ततो तेणं सागडिएणं भण्णति - 15 कीस एयं सगडं नेहि ?त्ति । तेहिं भणियं - मोल्लेण लइययं ति । ततो ताणं ववहारो जाओ, जितो सो सागडिओ, हिओ य सो सगडो तित्तिरीए समं ॥
तं अज्जउत्त ! एवं जाणिऊण अवहितो होज्जासि त्ति ।
सागडिअस कुलपुत्तदंसियपगारेण नागराणं छलणं
५७
ततो णेण कमलसेणा भण्णइ कमलसेणे ! सो सागडिओ हियसगडोवगरैणो जोग - खेम - 20 निमित्तं आणिऍल्लियं बइल्लं घेत्तृणं विक्कोसमाणो गंतुं पयत्तो, अण्णेण य कुलपुत्तएणं दीसइ, पुच्छिओ य - कीस विक्कोससि ? । तेण लवियं - सामि ! एवं च एवं च अइसंधिओ हूं । ततो तेण साणुकंपेण भणिओ -- वच्च ताणं चेव गेहं एवं च एवं च भणाहि त्ति । ततो सो तं वयणं सोऊण गओ, गंतूण य तेण भणिआ -- सामि ! तुभेहिं मम भंडभरिओ सगडो हिओ ता इमं पिबइल्लं गेण्हह. मम पुण तप्पणादुया ( पा ? ) लियं देह, जं घेत्तूण वच्चामि 25 त्ति. न य अहं जस्स व तस्स व हत्थेणं सत्तुयादुया (पा ? ) लियं गेण्हामि, जा तुज्झ घर पाणेहि वि पिययरी सवालंकारभूसिया तीए दायवा, ततो मे परा तुट्ठी भविस्सइ. जीवलोगब्र्भतरं व अप्पाणं मन्निस्सामि । ततो तेहिं सक्खी आहूया, भणियं च एवं होउत्ति । ततो तणं पुत्तमायान्नुयादुया (पा?) लियं घेत्तूण निग्गया, तेण सा हत्थे गहिया, घेत्तूणय तं
१ पल्लियासा शां० ॥ २ जाए स° ली ३ गो ३ ॥ ३ अ उ २ विना ॥ ४° इणि शां० ॥ ५ इहेव उ २ ॥ ६ छलिज्जासे शां० ॥ ७ लविया उ २ ॥ ८ र ति उ २ विना ॥ ९°विओ शां० ॥ १० किह ल लो ३ । कित्तिएण ल' उ०। ११ चाऽऽयाउं प उ १ विना ॥ १२ को एगं रूवयं बद्दलए य घेत्तू' ली ३ ॥ १३ °णियल्लियं बयलं" उ २ विना ॥। १४ ताणं तुज्झ मया सत्तु उ २ कसं० विना ॥
व० [हिं० ८
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |