Page Text
________________
धम्मिल्लहिंडीए [धम्मिल्लस्स चंपापुरिगमणं, पहिओ।तेहिं वि भणिओ-किमेय करेसि? । तेण भणियं-सत्तुंदुया(पा?)लिय नेमि । ततो ताणं सद्देण महाजणो संगहिओ, पुच्छिया-किमेयं ? ति । ततो तेहिं जहावत्तं सवं परिकहियं । समागयजणेण य मज्झत्थेणं होऊँण ववहारनिच्छओ सुओ, पराजिया य ते गंधियपुत्ता । सो य किलेसेण य तं महिलियं मोयाविओ, सगडो अत्थेण सुबहुएण सह परिदिण्णो । 5 तं कमलसेणे ! एरिसओ अवरो जो होहिइ सो किह वंचिजिहिइ ? त्ति । ततो कमलसेणा तं सोऊण पहसिया । भणिओ य णाए-वच्चह पुणरागमणाए विजएणं ति । ततो कमलसेणा विमलसेणं भणइ-विमले! पेच्छसु इमस्स पुरिसस्स विण्णाणं ति । ततो विमलाए संलविया
वेसा मे पेसकहा, पेसस्स य जंपियं च मे वेस्सं । 10
जत्थ वि य ठिओ पेसो, सा भूमी होइ मे वेसा ॥ ततो सो तं वयणं सोऊणं गंतुं पयत्तो ।
चंपाए नयरीए अब्भासे चंदा नाम नदी, तहिं जलव्भासे मुहुत्ततरं निविट्ठो, ततो य नलिणिपत्ताई घेत्तूण अणेगविहिप्पयारं पत्तच्छेज्जं च काऊण सुक्रुक्खछल्लिणावियाए नदीए छूढा,
वुज्झमाणा (ग्रंथानम्-१५००)य गंगं संपत्ता।तं च छोढूण नाणाविहाइं छेज्जाइं करेंतो अच्छइ, 15 ताव य नदीतडेणं तुरियं तुरियं दोन्नि जणे इजते पिच्छइ । ते य तस्स समीवमागंतूण
पुच्छंति-सामि! केण एवं पत्तच्छेज्जं कयं? । ततो तेण भणियं-मए त्ति । ततो तेहिं लवियं-सामि ! अत्थि इह नयरीए कविलो नाम राया. तस्स पुत्तो जुवराया रविसेणो णाम. सो वि ललियागोट्ठीए समं गंगाए खेल्लइ. तेण य खेल्लंतेण पत्तच्छेजं दिह. तं च दद्दूण अम्हे पेसिया-जाणह, केण इमं पत्तच्छेजं निउणेण कयं ? ति. तं अम्हेहिं दिट्ठो सि, पसीयह 20 रायपुत्तसयासं गंतुं । ततो सो गतो, पुवाभासिणा य ससंभमं आभासिओ। तेण वि सवि
गयंजलिउडेण संपूइओ । ततो तेण पुच्छिओ-कत्तो वच्चंति अजमिस्स ? त्ति । धम्मिल्लेण विण्णवितो-कुसग्गपुराओ सपरियणो अहं ति । तओ तेहिं गोट्ठिएहिं आणत्तो सिग्धं
आवसहो से सब्जिओ त्ति । तओ गोट्ठियमहत्तरएहिं 'सज्जो आवसहो' त्ति निवेइओ । तओ . परितुढेण य सो भणिओ-उटेह, वच्चामो माणुसगाणं सगासं, पञ्चुगच्छामो त्ति । तओ 25 सो सवगुढिसंपरिखुडो धम्मिल्लेण सद्धिं हत्थिखंधमारूढो गतो माणुसगाणं सगासं ।
आणियाओ य कमल-विमलसेणाओ, पविट्ठा आवसहं । ततो सो जुवराया गोट्ठियमहतरए संदिसिऊण 'सवं से कजं करेह, जहा य एस दारगो दुक्खिओ न होइ' त्ति भणिऊण नियगभवणं गओ । गोट्ठियमहत्तरएहिं जं जं कायवं तं तं सवं कंजं काऊण सए सए आवासए गया। सो वि य तत्थ सुहसहेण अच्छइ। भणिओ य कमलसेणाए-अजउत्त!
१०भियं उ २ विना ॥ २ तुयालि ली ३॥ ३ होइऊ शां० ॥ ४ किर वं शां० विना ॥ ५ °पान उ२॥६°णयं पंज° क ३ ॥ ७ जिजउ त्ति शा० ॥ ८ सजं शा० ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |