Page Text
________________
१४
वसुदेव हंडी [ जंबुपभवसंवादे महेसरदत्तस्स
पुणो कयंजली विन्नवेइ पभवो - सामी ! लोगधम्मो वि ताव पमाणं कीरउ, पिउणो उवयारो कओ होइ, तेसिं पुत्तपञ्च्चयं तित्तिं वण्णंति वियक्खणा - " निरिणो य पुरिसो सग्गगामी होइ” । ततो जंबुनामो भणइ-न एस परमत्थो, पुत्तो पिउणो भवंतरगयस्स अविजाणओ उवयाबुद्धीए अवगारं करिज्जा । न य पुत्तपञ्चया तित्ती पिउणो, 5‘“सयंकयकम्मफलभागिणो जीवा " । जं पुत्तो देइ पियरं उद्दिसिऊण सा भत्ती । जहा जम्मणं परायत्तं, तहा आहारो वि सकम्मनिविट्ठो (हो) । जेय खीणवंसा ते निराधारा अतित्ता सबमणागयकालं कहं वहिंति ? । पुत्तसंदिकं वा भत्तपाणं अचेयणं कहं पिउसमीवमेहिति ?,
मुद्दिस्स वा जं कयं पुण्णं ? । जो पिता पितामहो वा कम्मजोगेण कुंथु पिपीलिया वा तणुसरीरो जातो होज्जा, तम्मि य पदेसे जइ पुत्तो उद्गं तन्निमित्तं तस्स देज्जा, तस्स कह 10 परससि उवगारं अवगारं वा ? | अहवा सुणाहि
लोगधम्मासंगययाए महेसरदत्त खाणयं
तामलित्तीनयरीते महेसरदत्तो सत्थवाहो । तस्स पिया समुद्दनामो वित्तसंचय-सारक्खण-परिवुढिलोभाभिभूओ मओ मायाबहुलो महिसो जाओ तम्मि चेव विसए । माया वि से उवहि-नियडिकुसली बहुला नाम चोक्खवाइणी पइसोकेण भैया सुणिया जाया 15 तम्मि चेव नयरे । महेसरदत्तस्स भारिया गंगिला गुरुजणविरहिए घरे सच्छंदा इच्छिएण पुरिसेण सह कयसंकेया पओसे तं उदिक्खमाणी चिट्ठइ । सो य तं पएस साउहो उवगतो महेसरदत्तस्स चक्खुभागे पडिओ । तेण पुरिसेण अत्तसंरक्खणनिमित्तं महेसरदत्तो तक्किओ विवाडेउं । तेण लहुहत्थयाए गाढप्पहारीकओ नाइदूरं गंतूण पडिओ चिंतेइ– अहो !!! अणायारस्स फलं पत्तो अहं मंदभागो । एवं च अप्पाणं निंदमाणो जायसंवेगो 20 मतो गंगिलाए उयरे दारगो जाओ। संवच्छरजायओ य महेसरदत्तस्स 'पिओ पुत्तो मि' त्ति ।
तम्मिय समए पिउकिच्चे सो महिसो णेण किणेऊण मारिओ । सिद्धाणि य वंजणाणि पिउमंसाणि, दत्ताणि जणस्स | बितियदिवसे तं भैंस मज्जं च आसाएमाणो पुत्तमुच्छंगे काऊण तीसे माउसुणिगाए मंसखंडाणि खिवइ, सा वि ताणि परितुट्ठा भक्खर ।
साहू य मासखवणपारणए तं गिहमणुपविट्ठो, पस्सइ य महेसरदत्तं परमपीतिसंपत्तं । 25 तदवत्थं च ओहिणा आभोएऊण चिंतिअमणेणं - अहो ! ! ! अन्नाणयाए एस सत्तुं उच्छंगेण वहइ, पिउमंसाणि यखायइ, सुणिगाए देइ मंसाणि । 'अकज्जं ' ति य वोत्तूण निग्गओ ।
महेसरदत्तेण चिंतियं— कीस मन्ने साहू अगहियभिक्खो 'अकजं' ति यवोत्तूण निगओ ? । आगओ य साहुं गवेसंतो, विवित्तपसे दट्ठूण, वंदिऊण पुच्छइ —भयवं ! किं न गहियं भिक्खं मम गिहे ?, जं वा कारणमुदीरियं तं कहेह । साहुणा भणिओ30 साबग ! ण ते मंतुं कायवं । पिउरहस्सं कहियं, भज्जारहस्सं सत्तुरहस्सं च साभिण्णाणं
१ °ला कुसला नाम ली ३ ॥ २ मुया ली ३ | ३ साउहं ली ३ गो ३ ॥ ४ मंसं वज्जियं च ली ३ ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |