Page Text
________________
____10
संघद्धं पुषभवचरियं ] : चउत्थो नीलजसालंभो ।
१६७ इदाणिं णटुं सुणह जह विडंबणा-इत्थी पुरिसो वा जो जक्खाइट्ठो परवत्तबो, मजे पीए वा जातो कायविक्खेवजातीओ दंसेइ, जाणि वा वयणाणि भासति सा विलंबणा । जइ एवं, जो य इत्थी पुरिसोवा पहुणो परिओसनिमित्तं निजोजिउ धणवइणो वा विउसजणनिबद्धं विहिमणुसरंतो जे पाद-सिर-नयण-कंधरादि संचालेइ सा विलंबणा परमत्थओ ।। __ आभरणाणि भारो त्ति गहेयवाणि-जो सामिणो निओए कडकाईणि आभरणाणि 5 पेडागयाणि वहेजा सो अवस्सं पीडिजइ भारेण । जो पुण परविम्हयनिमित्तं ताई चेव जोगेसु सरीरत्थाणेसु सण्णिवेसियाणि वहति सो रागेण णं गणेइ भारं, अत्थि पुणो से। जो य परपरिओसनिमित्तं रंगयरो नेवत्थिओ सुमहंतं पि भारं वहेज 'न मे परिस्समो' भावमाणो । कजगुरुययाए ण मण्णेज वा भारं, तत्थ वि भारो परमत्थओ ॥ कामाणं दुहावहत्तं
कामा दुविहा-सहा रूवा य । तत्थ सद्दमुच्छिओ मिगो संदं 'सुह' ति मण्णमाणो मूढयाए अपरिगणियविणिवाओ वह-बंध-मरणाणि पावइ । तहेव इत्थी पुरिसो वा सोर्तिदियवसगतो सदाणुवाई सद्दे साहारणे ममत्तबद्धबुद्धी तस्स हेउं सारक्खणपरो परस्स कलुसहियओ पदुस्सइ, ततो राग-दोसपबंधपडिओ रयमाइयइ, तन्निमित्तं च संसारे दुक्खभायणं होइ गीयरागा । तहा रूवे रत्तो रूवमुच्छिओ साहारणे विसयसमुहे ममत्तबुद्धी 15 रूवरक्खणपरो परस्स पदूसइ, संकिलिट्ठचित्तो य पावकम्मं समजिणइ, तप्पभवं च संसरमाणो दुक्खभायणं भवइ । एवं भोएसु वि गंध-रस-फासेसु सज्जमाणो परंसि पदूसंतो मूढयाए कम्ममाययति, तओ य जम्म-जरा-मरणबहुलं संसारं परीइ । तेण दुक्खावहा कामा भोगा य परिचइयवा सेयत्थिणा ॥ __एवं भणंतो सयंबुद्धो मया भणिओ-मम हिए वट्टमाणस्स अहिओ सि, दुहमई 20 वट्टसि, जो मं संसतियपरलोगसुहेण विलोभेतो संपयसुहं निंदेतो दुहे पाडेउमिच्छसि । ततो संभिन्नसोएण भणिओ-सामि! सयंबुद्धो जंबुग इव मच्छकंखी मंसपेसिं विहाय जहा निरासो जातो, तहा दिट्ठसुहं संदिद्धसुहासया परिच्चएंतो सोइहिति । सयंबुद्धेण भणिओ-जं तुमं तुच्छे-कप्पणामेत्तसुहमोहिओ भणसि, को तं सचेयणो पमाणं करेजा ?. जो कुसलजणसंसियं रयणं सुहागयं कायमणियमणुसरंतो न इच्छइ 25 तं. केरिसं मण्णसि ?. संभिण्णसोय! अणिञ्चयं जाणिऊण सरीर-विभवाईणं धीरा भोए पंजहिय तवस्सी संजमे य निवाण-सुरसुहसंपायगे जयंति । संभिण्णसोओ भणति-सयंबुद्ध ! सका मरणं होहिति सुसाणे ठाइउं तुम. जहा टिटिभी गगणपडणसंकिया धरेउकामा उद्धपाया सुयइ तहा तुमं किर 'मरणं होहिति' त्ति अइपयत्तकारी संपयसुहं परिचइय कालियं पसंसेसि. पत्ते य मरणसमए परलोगहियं आयरिस्सामो । 30
१°ण जाणइ ली ३॥ २ सद्दो शां० विना॥३ °सपंथप शां० विना ॥ ४०रिचियब्वा शां०॥५ च्छकसुह ली ३ विना ॥ ६ को ते स शां० विना ।। ७ कुज्जा ली ३ शां० विना ।। ८ पयहिय शां० विना ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |