Page Text
________________
१६६
वसुदेवहिंडीए
[ सिजंसक्खायं उसभसामि
गहियं नामं ति । ततो सो पुरिसो परं तुट्ठिमुहंतो भणति - अजे ! कहेहिं मे, कहं तुमं सभा ? । ततो सा भणइ - कहेस्सं भे, जं मयाऽणुभूयंमिणित्थियाssवेइया पुत्रभविया अत्तकहा
अथ ईसाणो णाम कप्पो, तस्स मज्झदेसाओ उत्तरपुरत्थि मे दिसीभाए सिरिप्पभं 5 नाम विमाणं । तत्थ य ललियंगतो नाम देवो पभू, तस्स य सयंपभा अग्गमहिसी बहुमया आसी । तस्स य देवस्स तीए सह दिवविसय सुहसागरंगयस्स बहू कालो दिवसो इव गतो । कयाई चिंतावरो पायमल्लदामो अहोदिट्ठी ज्झायमाणो विष्णविओ मया सह परिसाए - देव ! कीस किं विमणा दीसह ? को भे मणसंतावो ? । ततो भणति - मया yard थोवो कओ तवो, तओ मे 'तुब्भे विप्पयुंजामि' त्ति परो संतावो । ततो अम्हेहिं 10 पुणरवि पुच्छिओ-कहेह, तुम्भेहिं कह थोवो तवो कओ ? कहं वा इमो देवभवो लद्धो ? त्ति । ततो भणति — ललियंगयदेव कहिया पुवभविया अत्तकहा
जंबुद्दी अवरविदेहे गंधिलावतिविजये गंधमादण - वक्खारगिरिवरासपणे वेयause गंधारओ नाम जणवओ । तत्थ जणसमिद्धसेवियं गंधसमिद्धं नयरं । राया 15 राजीवविबुद्धवयणो जणवयहिओ सयबलस्स रण्णो नत्तुओ अइबलस्स सुओ महाबलो नाम; सो अहं पिउ - पिया महपरंपरागयं रज्जसिरिमणुभवामि । मम वि बालसहो खत्तियकुमारो सयंबुद्धो जिणवयणभावियमती; संभिण्णसोओ पुण मे मंती बहुसु कज्जेसु परिपुच्छणिजो ।
समतिच्छिएकाले बहुम्मि कयाइं गीय-वाइयपडिरओ नच्चमाणिं णट्टियं परसामि । सयंबु20 ण य पण्णविओ - देव ! गीयं विलवियं विजाणउ पुरिसस्स, नट्टं विडंबणा, आभरणा भारा, कामा दुहावहा, परलोगहिए चित्तं निवेसेयव्वं, अहिओ विसयपडिबंधो असासए जीविए त्ति । ततो मया रागेण भणिओ - कहं गीयं सवणामयं विलावो ? कहं वा नहं नयन्भुदयं विडंबणा ? कहं वा देहभूसणाणि भारं भाससि ? लोगसारभूए कामे पीइकरे दुहावह ? त्ति । ततो असंभंतेण सयंबुद्धेण भणियं - सुणह सामि ! पसन्नचित्ता जहा गीयं पलावो25 जहा काइ इत्थिया पवसियपइया पइणो सुमरमाणी तस्स समागमकखिया समतीय भत्तणो गुणे वियप्पमाणी पओस-पच्चूसे दुहिया विलवइ । भिचो वा पभुस्स कुवियस्स पसायणनिमित्तं जाणि वयणाणि भासइ पणओ दासभावेण अप्पाणं ठाविऊण, सो य विलावो । तव इत्थी पुरिसो वा अण्णोष्णसमागमाहिलासी कुवियपसायणनिमित्ते जातो काय-मण-वाइगीओ किरियाओ पउंजियाओ कुसलजणचितियाओ विविधजाइनिबद्धाओ 30' गीय' ति वुच्चइ । तं पुण चिंतेह सामि ! ' किं विलावपक्खे वट्टइ ? न वट्टइ ?' त्ति ॥
1
१ ° श्रय° शां० ॥ २ शां० विनाऽन्यत्र - पजुजीहामि कसं० संसं० उ० मे० ॥ ३ 'नय° शां० ॥ ४ सुहयं ली ३ ॥
Jain Education International
―――
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |