Vasudevhindi Part 1

SR No.: 001888
Original Sutra Author: Sanghdas Gani
Author: Chaturvijay, Punyavijay
Publisher: Atmanand Jain Sabha
Publication Year: 1930
Total Pages: 210
Language: Sanskrit
Classification: Book_Devnagari, Story, & Literature
File Size: 18 MB

Page 150

अत्तकहा] तइओ गंधवदत्तालंभो।
१४१ होजा। अम्माए भणियं-कहं कण्णं लद्धं अवमण्णेसि ? त्ति । तं च मे कहियं चेडीहिं । ततो सोहणे दिवसे संवच्छराणुमए य मुहुत्ते पाणं गाहिओ मि विहिणा तातेण । मित्तवतीय कयाणि कोऊयाणि कुलसरिसाणि । रमामि हं गंधवे नट्टे आलेक्खे य। ___ कयाइं च मित्तवती सगिहं गया, तत्थ · माउलाणीए य नियगाणि भूसणाणि दाऊण मज्जिय-पसाहिया-जिमिया विसज्जिया, अम्ह संतगाणि आभरणाणि तत्थेव ठवियाणि, 5 गिहागयस्स माउलगस्स दंसियाणि विकाले-इमाणि मित्तवतीए ससुरकुलसंतगाणि भूसणाणि, मया से अत्तयाणि दत्ताणि त्ति । तेण भणिया-कीस न पेसियाणि वीवाहिणीते ? भणिही 'परियट्टएण दिण्णाणि आभरणाणि' त्ति। तीए भणियं-पञ्चूसे सयमेव पञ्चप्पिणिस्सं ति । तस्स य वयणेण माउलाणीया पभायसमए अम्ह घरमागया। अहं उवज्झायसमीवं गतो। पडिबुद्धा य मित्तवती उवगया माउंयाए समीवं । पञ्चप्पियभूसणाए य माउलाणीए 10 दिट्ठा अपरिमलियविलेवणा, ततो णाए पुच्छिया-पुत्ति ! चारुसामी किमिह अज न वुच्छो ? अथवा कुविओ ते ? कीस एगागिणी वुच्छा ?। ततो तुहिक्का चिरमच्छिऊणं भणइ-पिसायरस दाऊणं बाहसि मं । तं च अम्माए सोऊणं सरोसं भणियं-हला ! वावत्तरिकलापंडिओ वि चारुसामी तव पिसाओ ? । सा भणइ-पिउच्छा ! मा कुप्पह, जो विरत्ते वि एगागी नच्चइ, गायइ, साहुक्कारे कस्स वि देइ, हसइ य, सो किह साभा-15 विओ ?. अहं छिण्णि कजे र्विं पस्समाणी पिसाएण कह विन घेप्पामि त्ति । तं च वयणं सोऊण अम्मका से रुदंती अम्म भणइ-तुम्हेहिं जाणंतीहिं मम वेरनिज्जायणं कयं, जं पुवं न कहिओ दारगस्स दोसो । अम्माए य भणिया-होउ, सह धूयाए अवत्तवाणि वदसि, न ते (ग्रंथाग्रं-३९००) सोहणं भवति. जह चिरं सोचिहिसि तह करेमि. वच्च, मा मे दंसणपहे ठाह त्ति । ततो सा विमणा सभवणं गया । तीसे य मएण माउलो सव्वट्ठो 20 आगंतूण अम्मं किर भणति-कीस दारगस्स चारुसामिणो ताणे किरिया ण कीरति ? कीस उवेक्खह ? त्ति । ततो अम्माए फरुसिओ-धूयं भजं च रक्खसु त्ति जहा पिसाएण ण घेप्पंति. घरिणीए सोऊण ममं पलीवेसि. वच्च, अवेहिं, मा छलिओ सि नामं ति । सो गतो । एयं पि मे सेजापालीए कहियं सपरिहासं। __ ततो अम्माए कुवियाए मम वयंसा गोमुहादी सद्दावेऊण भणिया-कुणह मे पियं, 25 चारुसामी गणियाघरे पवेसह त्ति । गोमुहेण भणियं-अम्मो ! ताओ णेण रूसिहिति, वसणपडिओ य दुम्मोयओ य होहिति, अलं गणियाघरपवेसेणं ति । ततो भणति-जइ सेट्ठी रूसिहिति मझं रूसिहिति. तुम्हे अपडिकूला मम वयणं करेह. किंच वो वसणदोसकहाए ?. "वसणी अत्थं विणासेज' त्ति सो मण्णे मम चिरचिंतिओ मणोरहो 'पुत्तो मे अत्थपरिभोत्ता कहं होज ?' ति. सो जातो. जति वित्तं विणासेइ वेसवसं 30
१०णिधेति प° शां०॥ २ °उलगासमी शां०॥ ३ अधवा उ० मे०॥ ४ विसप्पमा शां० ॥ ५पसा क ३ शां०॥