Page Text
________________
१२०
वसुदेवहिंडीए [ वसुदेवस्स गिहचाओ आयारेहिं रुद्धो, तहावि न विरमसि अविणयाओ। मया पुच्छिया-साह, केण अवराहेण रुद्धो मि ? । सी न साहइ 'रण्णो वीहेमि' त्ति । अंगुलियगदाणे]णं अब्भत्थियाऽणुगमिया साहइ-राया विरहे णेगमेहिं विण्णविओ-देव! सुणह, कुमारो सारयचंदो विव जणणयणसुहओ सुद्धचारित्तो जाए जाए दिसाए निजाइ ततो ततो तरुणिवग्गो तेण समं 5 तकम्मो भमति. जा य तरुणीओ ताओ वायायण-गवक्खजालंतर-दुवारदेसेसु 'नियत्तमाणं पस्सिस्सामो' त्ति पोत्थकम्मजक्खीओ विव दिवसं गति. सिमिणायंतीओ वि भणंति'एस वसुदेवो, इमो वि वसुदेवो' त्ति. जातो पत्त-साग-फलाणि गेहंति ताओ भणंति 'कइ वसुदेवो देसि ?' ति. दारगरूवाणि कंदमाणाणि वि कुमारदिण्णदिट्ठीओ विवज्जत्थं
गेण्हंति-'बुट्टे (छुट्टो) वच्छो' त्ति दामेहिं बंधति. एवं देव ! उम्मत्तओ जणो जातो घरकजमुक्क10 वावारो देवा-ऽतिहिपूयासु मंदायरो, तं कुणह पसायं, मा अभिक्खं णीउ उज्जाणाणि त्ति। रण्णा भणिया-वञ्चह वीसत्था, णिवारेमि णं ति । भणिओ य जो तत्थाऽऽसि परियणो, जहा–कोइ कुमारस्स न कहेइ एयं परमत्थं । तं निहुओ होहि त्ति, ततो रण्णो उवालंभो न भविस्सइ । मया भणिया–एवं करिस्सं ति ।
चिंतियं च मे पुणो–'अहं जइ पमाएण णिग्गतो होतो तो मि बंधं पावेतो. अहवा 15 एस बंधो चेव, तण्ण मे सेयं इहमच्छिउं' ति संपहारेऊण सर-वण्णभेयगुलियाओ काऊण
वल्लहेण दारगेण सह निग्गतो संझाकाले नयरबाहिं । सुसाणासण्णं च अणाहमयगं दळूण भणिओ मया वल्लहओ-गेण्हसु दारुगाणि, सरीरपरिचायं करिस्सं । तेण आणावियाणि कहाणि, रइया चिया, भणिओ य वल्लहओ-वच्च सिग्धं, रयणकरंडगं मम सयणिज्जाओ
आणेहिं. दाणं दाऊण आग्गिं पविसिस्सं । सो भणइ--जइ एस निच्छओ भे तो देव! अहं 20पि अणुपविसिस्सं । मया भणिओ-जं ते रोयइ तं करिस्ससि, मा य रहस्सं भिंदसु, सिग्धं
च एहि त्ति । सो गतो 'जहा आणवेह' त्ति वोत्तूण । मया वि अणाहमयगं पक्खिविऊण आदीविया चियगा, सुसाणोज्झियमलत्तगं गहेऊण खमावणलेहो लिहिओ गुरूणं देवीण य'सुद्धसहावो होऊण णागरेहिं मइलिओ' त्ति निवेदणं काऊण 'वसुदेवो अग्गि अइगतो'। मसाणखंभे पत्तं बंधिऊण दुयमवकतो, उम्मग्गेण य दूरं गंतूण वेगेण मग्गमोइण्णो। 25 जाणेण य एगा तरुणजुवई ससुरकुलाओ कुलघरं निजइ, सा ममं दण बुड्ढे वितिज्जियं
भणइ-अम्मो! एस माहणदारगो परमसुकुमारो परिस्संतो आरुभउ जाणं. अम्हं गिहे वीसत्थो अन्ज सुहं जाहिइ त्ति । भणिओ य मि वुद्धाए-आरुहह सामि! जाणं, परिस्संत स्थ । मया चिंतियं-'जाणहितो पच्छण्णं गमिस्संति-आरूढो मि । पत्ता सुगामं सूर-- स्थमणवेलाए । तत्थ मज्जिय-जिमिओ अच्छामि । तस्स य गिहस्स नाइदूरे जक्खाययणं, तत्थ 30 लोगो संठिओ । आगया य नयराओ पुरिसा, ते कहंति-सुणह जमज्ज वत्तं नयरे-वसुदेवो कुमारो अग्गि पविट्ठो. तस्स वल्लभगो नाम चेडो वल्लभगो. सो किर चितं जलंति १ सा भणइ-रण्णो शां० ॥ २ °रुणा जु° क ३ गो ३ शां० । 'रुणी जु° उ० मे० ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |