________________
सेतुबन्धम्
[प्रथम
कलियुगमहिमापचीयमानश्रुतिसुरभिद्विजधर्मरक्षणाय । धृतसगुणतनुं तमप्रमेयं पुरुषमकब्बरशाहमानतोऽस्मि ।। अंशे रघोरुष्णकरस्य वंशे बभूव राजा कुलदेव एकः ।
श्रीमानसिंहप्रमुखा जयन्ति यदन्वये संप्रति कच्छवाहाः ।। सूनुस्तस्य विरोधिवारणमदाकूपारकालानलो
जङ्घालो रणरङ्गभूमिषु बली यः क्षेमराजोऽभवत् । वीरो दीप्तयशःकदम्बतुलितक्षीरोदनीरोदर
स्तस्याजायत पञ्चसायकरुचिर्माणिक्य रायः सुतः ।। एतस्यापि मुकुन्दवन्दनवलत्पुण्यो वदान्यो जग
न्मान्यो मोकलरायभूपतिरभूदाक्रान्तभूपान्तरः । तस्मादप्यजनिष्ट बाहुजकुलक्षीराब्धिहीरायितो
धीरारायमहीमहेन्द्रतिलको वीरावलीभिः स्तुतः ॥ नापारायनृपः कृपानिधिरभूदस्यापि सूनुर्महा
नुद्दामप्रतिपक्षकुञ्जरघटासंघट्टकण्ठीरवः । एष प्रेदशेषशत्रुविजयव्यापारपारङ्गमं
पुत्रं पातलरायमायतभुजादण्डोद्धरं लब्धवान् ॥ खानारायस्ततोऽभूदरिदहनधनः प्रौढनाराचधारा
___ पातासाराभिवर्षी समरभुवि लसत्कार्मुको गाढगर्जः । सूनुस्तेनारिसेनाम्बुधिकल शभवोऽलम्भि कन्दर्पकाय
श्चन्दारायस्त्रिलोकीतलविशदयशोवीचिनीचीकृतेन्दुः ।। अभवदुदयराजः प्रौढभूभृत्समाजप्रथितगुणगरिष्ठस्तत्सुतो धर्मनिष्ठः । समरभुवि न' के वा निजिता येन देवाधिपतिपुरपुरंध्रीगीतदोविक्रमेण ।। दिनेशभक्त्या जगति प्रकाशस्ततः सुतोऽजायत रामदासः ।
आसेवते जिष्णुमिव क्षितीन्द्रं यः सर्वभावेन जलालदीन्द्रम् ॥ धीराणां काव्यचर्चाचतुरिमविधये विक्रमादित्यवाचा ।
यं चक्र कालिदासः कविकुमुदविधुः सेतुनामप्रबन्धम् । तयाख्या सौष्ठवार्थं परिषदि कुरुते रामदासः स एव
ग्रन्थं जल्लालदीन्द्रक्षितिपतिवचसा रामसेतुप्रदीपम् ।। इह सविधे साधूनां भविता न कदापि दुर्जनप्रसरः । गरुडोद्गारसमीपे न भवति गरलोद्गमः क्वापि ।।
Jain Education International
For Private & Personal Use Only
www.jainelibrary.org
