________________
जिनदत्तसूरिस्तुतिः ]
१११ धणुहर धयवड वरिय सारि सिंगार सुसज्जिय । सोहग्गिण गुडगुडिय पंच [व]र पडिम निमज्जिय । ति(नि)यड(रू)अ तेअ ग्गलिय पिंमपडिकारनिरुत्तिय । रइरणरहसुच्चलिय गरुयमाणिण म अमन्निय । करि कडयड मुणिमहिवइहिं रहिय रूवय संपुग्नभय । जिणदत्तसूरिसीहह भयण मयणकरडिघड विहाडि गय ॥ ५ ॥ तवतलप्फभीसणह धम्मधीरिमसुरिमसुविसालह । संजमसिरभासुरह दुसहद(व)यदाढकरालह । नाणनयणदारुणह नियमनिरुनहरसमिद्धह । कम्मकोय(व)निट्ठरह विमलपहपुंच्छपसिद्धह । उपसमणउयरधरदुव्विसह गुणगुंजारवजीहह । जिणदत्तसूरि अणुसरहु पय पावकरडिघडसीहह ॥ ६ ॥ जरजलबहलरउद्द लोहलहरिहिं गजंतउ । मोहमच्छउच्छलिउ कोवकल्लोल वहंतउ । मयमयरिहि परिवरिउ वंचबहुवेलदुसंचरु । गव्वगरुयगंभीरु असुहआवत्तभयंकरु । संसारसमुहु जु एरिसउ जसु पुणु पिक्खिवि दरियइ । जिणदत्तसूरिउवएसु मुणि त परतरंडइ तरियइ ॥ ७ ॥ सावय किवि कोयलिय केवि खरह(य?)रिय पसिद्धिय । ठाइ ठाइ लक्खियहि मूढ नियवित्तिविरुद्धिय । दरहिं न किंपि परत्र वेविसु परुप्परु जुज्झहि । सुगुरु कुगुरु मणि मुणिवि न किवि पटुंतरु बुज्झहिं । जिणदत्तसूरि जि न नमहि पयपउम मच्चु(गव्वु) नियमणि वहहि संसारउयहि दुत्तरि पडिय ति न हु तरंडइ चडि तरहिं ॥ ८॥ तव-संजम-सयनियम-धम्मकंमिण वावरियउ । लोह-कोह-मय-मोह तह व सव्विहि परिहरियउ । विसमछंदलक्खणिण सत्थअत्थत्थविसालह । जिणवल्लहगुरुभत्तिवंतु पयडउ कलिकालह ।
Jain Education International
For Private & Personal Use Only
www.jainelibrary.org
