________________
१८०
साहारणकइविरइया
[११.१६ आहारु न इच्छहिं मरणह वंछहिं खणु अच्छहिं चिंतावियइं। खणे गयणह उड्डहिं खणे जलि बुड्डहिं विरह-जलण-संतावियई ॥१५॥
खणे तीर-लया-वणे संकमंति सुर-सरिहि पुलिणि विउलई भमंति । निमुणेवि सदु एक्कहिं मिलंति पुणु चक्कवाय-संकए छलंति । तो गरुय-सोय-अभिभूययाइं हुय बे वि मरण-कय-निच्छयाई । सुर-सरिहि सोत्ति बुड्डंति जांव पक्खालिउ कुंकुमु सयलु तांव । ५ पेक्खवि परोप्परु धवल-काउ तो दोण्ह वि पच्चभिजाणु जाउ । मिलियाइं ताई तुट्टई मणेण ___खयराहिव तई पुण तत्तिएण । तेहिं कम्मु उवज्जिउ अंतराउ तें पुणु पुणु देवि-विओउ जाउ । तम्हा हासेण वि परह पील मा कुणह भवे भवि सुद्ध-सील ।
जं पुण पई पाविउ पउ पहाणु तं कारणु सुणसु कहिज्जमाणु । १० जो एहु मणोरहदत्तु मित्तु तर्हि जम्मि आसि तुह एग-चित्तु ।
जिणदासह नंदणु नामें चंदणु जीवाइय-तत्तेहिं कुसलु । साहम्मिय-रत्तउ मुणि-गण-भत्तउ जिणवर-पय-पंकय-भसलु ॥ १६ ॥
दढनेह सुमित्तिं चंदणेण तुहु भय भाव निविठ्ठ तेण । उत्तारवि गुरु-मिच्छत्त-भारु किउ किंचि वि वियाणिय-तत्त-सारु । अह तत्थ नयरे मुणि धम्मघोसु संपत्तु नाण-तव-चरण-कोसु । सो तुज्झ निवेइउ चंदणेण वंदण-निमित्तु गउ सरिसु तेण । तहिं नीय देवि हारप्पहा वि पय-कमले पणय मुणिवरह सा वि । आसीस देवि तो मुणिवरेण जिण-धम्मु पवेइउ वित्थरेण । सम्मत्तु नाणु संजमु विसिट्ठ अपवग्ग सग्गु एहु जिणेहिं दिछु । सम्मत्तु पढमु मोक्खह पहाणु जीवाइ पयत्थहं सदहाणु।
भण्णइ सुहाइ परिणाम-रूवु धन्नो च्चिय पावइ कोइ जीवु । १० उप्पज्जइ मिच्छत्तह खएण अहवा वि तस्स खय-उवसमेण । १६] २. ला०-संकए वलंति ४. ला०-सरिहि सुत्ति ५. पु० पच्चभयाणु ११. पु०
जीवाइय-तत्तर्हि [१७] ७. ला० सम्मत्त नाणु ९. ला० को वि जीवु
Jain Education International
For Private & Personal Use Only
www.jainelibrary.org
