________________
संधि-११
आइउ तहिं पुरवरे तो एत्थंतरे चित्तंगउ नामेण मुणि ।
चउनाणेहिं जुत्तउ लद्धि-फुरंतउ सीसि विहिय सज्झाय-झुणि ॥ चारण-रिसि जंगम-कप्परुक्खु सण-मेत्तिय वि दलिय-दुक्खु । भव्वाण भवण्णव-जाणवत्तु विहरंतु कमेण ममत्त-चत्तु । ५ पत्तउ रहनेउरचक्वालि उज्जाणि मणोरमि ठिउ विसालि ।
खयरिंदह हरिसभरालएहिं साहिउ उज्जाणह पालएहि । जिह को वि देव बहु-मुणि-सहाउ चारण-रिसि तुह उज्जाण आउ । तं निसुणेवि तुडु सणकुमारु परिओस-दाणु तहु देवि सारु ।
निय-जणय-जणणि-परिवारु लेवि गिण्हेवि विलासवइ-पमुह देवि । १० चालिय-अस-पिय-बंधु-मित्तु चल्लियउ तस्स बंदण-निमित्तु ।
अह गरुय-विभूइहिं पुर-समेउ उज्जाणि पत्तु तहिं सिग्घ-वेउ । विज्जाहर-साहु-सहा-निविदछु दूरह चित्तंगय-सूरि दिछु । उत्तरिउ गइंदह नं भव-विंदह रज-चिण्ह पुणु परिहरइ । नं गुरु आसन्नउ दंसण-पुण्णउ पंच-विसय-वज्जणु करइ ॥ १॥
तो गरुय-भत्तिभरुल्लसिय-चित्तेणं सो साहु-मज्झद्विउ दिठ्ठ मुणि तेणं । सूरो व्व नहे फार-विप्फुरिय-तव-तेउ दीवो व्व अन्नाण-घण-तिमिर-कयच्छेउ । चंदो व्व आणंदणो भब्व-नयणाण जलहि व आवासु गुण-दिव्व-रयणाण । मेरु व्ब निक्कंपु उवसग्ग-पवणेहिं वर-फलिय-रुक्खु व्व न य मुक्कु सउणेहिं । ५ कण्हो व्व जत्तेण असुरक्खणासत्तु सव्वो व्व निद्दड्ढ-मयणो महा-सत्तु । बंभो व्व तिण्हं पि वेयाण गय-पारु लंकाए नाहो व्य बहु-सीस-परिवारु ।
अन्ने वि मइमंतया साहुणो दिट्ट बाणा व गुण-सहिय धम्मम्मि सुनिविट्ट । [१] २. ला० चउनाणिं जुत्तउ...सोस विहिय, ३. ला० दंसणमेत्तेण ५ पु० ०वाले.... ___ मणोरमे....विसाले । ७. ला० उज्जाणे ११. ला० पुरा-समेउ [२] १. ला०-मज्जडिओ ५. ला० असुरक्खणासंतु ६. ला० लंकाइ
Jain Education International
For Private & Personal Use Only
www.jainelibrary.org
