________________
९. २८]
विलासपईकहा १० पहु-मरण-दुक्ख-भय-पोडियाहिं कूविउ अंतेउर-चेडियाहिं ।
बहु पयारु तो विलवमाणउ नरह देइ आएसु राणउ । सयल-पुरिहिं जोवेह मह सुया केण दिट्ट किर केण वा सुया ॥२६॥
आसासिय देवि सिंगारवइ बाहाउल-लोयण तो रुवइ । हा हा कहिं नट्ठिय मज्झ सुया किं कत्थ वि कूवे पडेवि मुया । किं केण वि दुट्टे अवहरिया किंवा रयणायर-उत्तरिया । हा हा मह धीए विलासवइ किह एह बुद्धि तुह संगवइ । ५ कंचुइ-आरक्ख-समाउलहो किह रणिहिं निग्गय राउलहो । किं कत्थ वि चोरहं पिडि पडिया किं कत्थ वि अच्छहि तुहुं दडिया । हा सुव्व-सलक्खणि हा सुहए हा लोणिए नयण-मणोसुहए । विणयह निहि सयल-कलानिलए हा महुर-वयणि कन्ना-तिलए ।
पडिवयणु देहि तुहुं कत्थ गया किर जणणी-वच्छल आसि सया । १० मई एरिसु चिंतिउ आसि सुए मेलेवि नरिंद-गणे बहुए।
ताण य जो को वि विसिट्टयरी तुह पुत्ति करेस्सहं सो जि वरो । मई चिंतितुह वीवाहि किए जामाउय-माइगणे मिलिए । पच्छा परिपुण्ण-मणोरहिया नच्चिसु उच्चल्लिय-बाहुलिया ।
मइं चिंतिउ तुह जामाइयहो वंदणु वंदाविसु आइयहो । १५ तं न हुयं एक्कं पि चिंतियं हा हयास विहि केंव पत्तियं ।
आस-वेल्लि उल्लसिय मण-वणे विहि-गइंदु तोडेइ तक्खणे ॥२७॥ इय जांव पलाव करेइ देवि एत्तहे नरिंदु मुच्छिउ सुणेवि । पासाय-तलह अइ-संभमेण धाविय अगंगवइ तक्खणेण । सुमसिण-सोवाणह पंतियाए तहे ल्हसिउ पाउ धावंतियाए।
कर-चरणहं दंतहं हुयउ भंगु संचूरिउ नियय-भरेण अंगु । ५ मुच्छाविय अच्छइ देवि जाव धाहाविउ चेडि-गणेण ताव । [२६] १०. ला० विहु-मरण[२७] १. ला० आससिय, पु० रुयह २. पु० पडेवि धूया । ५. पु० कंचुइ-आलुकख ११.
ला० पुत्ते १३. पु० उम्भिं च्चिय बाहु. १५. पु० न हूयउ एक्क पि [२८] १. पु० जाव २. ला० धावइ ३. ला० तहिं ल्हासिउ
[२८]
Jain Education International
For Private & Personal Use Only
www.jainelibrary.org
