Page Text
________________
साहारणकइविरइया
[९. २१
एत्तहे अणगंवइ-परियणाउ परिभमिय वत्त तह पुर-जणाउ । किर देवि उवरि पयडिय-वियारु माराविउ राएं सो कुमारु । तं सुणेवि सोय-भर-भार-भग्गु परिवारु तुम्ह रोवणहं लग्गु ।
हा सामिय भुवणेक्कल्ल-वीरु किह मरणु जीउ कोमल-सरीरु । ५ हा परम-दयालुय हा उदार हा हा कहिं गयउ सणंकुमार ।
हा हा दक्खिण्ण-विवेय-वास हा सेवय-वल्लह वर-विलास । हा सामिय किं तुहं इह विएसि अहिमाणे पत्तउ मरणरेसि । जहिं गिरिवर-गुरु गय-वर पडंति पडिभड रोसुब्भड भड भिडंति ।
जहिं हिंडहिं हय निहयासवार वेल्लिति सेल्ल सल्लिय कुमार । १० तुह मरण रणंगणि सहइ तत्थ किं वा कुनरिंद-पुरम्मि एत्थ ।
तुहं आसि महेलिय-जणे ससंकु ता एवहि किह पाविउ कलंकु । हा एउ नरिदि किउ अजुत्तु अनिरूविउ मारिउ राय-पुत्तु । इय पलाव बहुविह करतउ गुण-गणोहु तुम्हहं सरंतउ । हय-गइंद-रह-जोह-जुत्तउ सयलु देव सेयविय पत्तउ ॥२१॥
..[२२] तं जाणेवि लोएहिं राउलेहि नरवइ-देवीण भयाउलेहिं । नाणाविह-जुत्ति-घडंतएहिं बोल्लिज्जइ कुंडय-कुंडएहिं । सो सुकुलुप्पन्नउ विणय-जुत्तु उवसंतु सयाणउ सई सुसुत्तु ।
उत्तम सत्ताहिउ निम्वियारु किह एरिसु कुणइ सणकुमारु । ५ सुललिय महुरक्खर तासु जीह भड-मज्झि पहिल्लिय तासुलीह। थिर-चित्तु अणुब्भड-वेसु आसि ता एउ न वच्चइ तासु पासि । हा कियउ असोहणु नरवरेण जं मारिउ महिलिय-भासिएण । को वि जंपइ बोल्लह किं निमित्त को जाणइ केरिसु परह चित्तु ।
भाविज्जइ तस्स वि को वि दोमु उप्पन्नउं रायह तेण रोसु । १० सहसक्खि नराहिव जेण हुंति पायालु वि भिन्नउ किर मुणंति ।
ता म तंति राउलिय किज्जए जं करेइ तं चिय सहिज्जए ।
इय भणंति तहिं के वि दुट्टया जेहिं तुम्ह गुण नाहि दिट्टया ॥२२॥ [२१] १. ला० परियणाओ ३. पु० रोयणहं ५. ला० इय विएसि ९. ला० चेल्लिति
१०. पु. मरणंगणि सहइ [२२] ३. ला० सतुत्तु, पु० ससुन्तु ४. ला० करइ सणं० १०, पु० होति ११. पु. ता
मन्नति राठ०
Jain Education International
For Private & Personal Use Only
www.jainelibrary.org
| SR No. | 001874 |
| Book Title | Vilasvaikaha |
| Original Sutra Author | Sadharan |
| Author | R M Shah |
| Publisher | L D Indology Ahmedabad |
| Publication Year | 1977 |
| Total Pages | 310 |
| Language | Prakrit, Gujarati |
| Classification | Book_Devnagari, Literature, & Story |
| File Size | 17 MB |