________________
६. २४ ]
विलासवईकहा
[२४]
जा समइक्कंतिय का वि वेल तो नाइ पल्लिय सव्वि सेल । संचल्लिय गह-तारागणेण हसियं पि य नाइ नहंगणेण । तड-तडिय तरल-विज्जुल-सणेहिं नं पलय कालु गज्जिउ घणेहिं ।
उज्वेल्ल-सयल-जलहर-भरेण गुलु-गुलिउ नाइ गुरु सायरेण । ५ तरु-पव्वय-नीर-विरेइणीए आयंपिउ नावइ मेइणीए । तं पेच्छेवि चिंतइ कुमरु चित्ति पाविस्सइ भउ मह पिययम त्ति । तो सरिउ वयणु ज कहिउ तेण सिरि-चकसेण-विज्जाहरेण । जिह किर आसन्नउ जइ हवेइ तो अन्न विहीसिय न वि अवेइ ।
कलेवि सुनिच्चलु धरेवि भाउ पुणरवि पारद्धउ मंत-जाउ । १० निब्भरे मंत-जावे वट्टतए इंदिय-पसरि असेसि नियत्तए । नासग्गे विनिविट्ठ थिर-दिठिय ताव बिहीसिय अन्न समुट्ठिय ॥२४॥
[२५] जाव आरद्ध बहु-जीव-संहारणो दंत-विणिभिन्न-लंबत-आहोरणो। कण्णवालीए घोलंत-लुढियंकुसो अंकुसायास-संजणिय-गुरु-अमरिसो। अमरिसावस-कुंडलिय-दीहर-करो कर-समुक्खेव-विक्खित्त-घण-सीयरो। सीयरासार-निम्महिय-मय-परिमलो परिमलालुद्ध-गुंजंत-महुयर-कुलो । ५ उत्तराहारि मेहो व्व गज्जंतओ फुट्ट-करयडयडमय-वारि-वरसंतओ। तह विलासवइ-देवि पि विलतियं अज्ज उत्त त्ति धाहाहि रोवंतियं । गहेवि सुडाए चंडाए भामंतओ पुणु वि पाएहिं दोहिं पि चंपतो।
संमुहो चेव धावंतु अइ-दुओ इय कुमारेण वर-कुंजरो दिहओ । . दंतग्गेहिं कुमारु तें विद्धउ तह वि न किंचि चित्ति संखुद्धउ । १० ता सा अवगय जाव बिहीसिय थेव वेल ता अन्न पयासिय ॥ ५॥
[२४] १. पु० सयल सेल ३. पु० तड तड तरलि विज्जलसणे हिं ने पलयकाले ४. पु०___ जलयर- ६. ला० पेच्छवि ...पावेस्सइ ७. ला० सरिय ८. पु० अन्नु ९. ला० इय
कलिय ...मंत-जावु । [२५] १. ला०-आहारगो २. पु०-लुलियंकुसो ३. पु० कर-समुव्वेव ४. पु०-महुवर
५. ला०-वरिसंतओ ७. ला पुण....चंपतउ ९. ला० कुमार विधंतओ
Jain Education International
For Private & Personal Use Only
www.jainelibrary.org
