________________
साहारणकइविरइया
[५. ३१ पच्छा वि अंगु मइं परिमुसियं एवं चिय सोम मए विहियं ।
ता धम्मसील साहेहि महं ववसायह कारणु कवणु तुहं । ५ विलिएण कुमारि जंपियई भयवं किं कारणु पुच्छियई ।
ति भणिउ वच्छ सयलु वि कहही महु पुरउ लज्ज मा तुहुं करही । सव्वस्स वि उवरि विसुद्ध-मणो जणणी-समु होइ तवस्सि-जणो । अवियाणिय-वुत्ततो य हउं किं वच्छ हियाहिउ तुहु कहउं ।
ती साहहि अह तें चिंतियउ मुणि एह अकारण-वच्छलउ । १० सव्वस्स चेव अहवा गिहिणो माणणिय हवंति सया जइणो ।
इय चिंतिवि सेयवियापुर-निग्गमणाइउ । उल्लंबण-अवसाणो वित्तंतु निवेइउ ॥२९॥
[३०] भणियं च तेण भो वच्छ इमो संसारु इंदयालेण समो । इह सरय-काल-जलहर-सरिसं जीविउ अणेय-संपाडिय-मिसं । कुसुमिय-तरु-सम रिद्धीओ सया सुमिणोवभोग-सरिसा विसया ।
अंतम्मि विओय-सुदुग्गमइं . पवराई वि पिय-जण-संगमई । ५ ता एहु ववसाउ परिच्चयही तुहुं वच्छ कुसल-संचउ करही । परिवज्जिअ-पाणो वि एत्थ जिओ कम्मेहिं भवंतरि कहमि थिओ । इंह जइ न कुसल-संचउ करई हिय-इच्छिउ किह तहिं फल लहई। कुमरेण भणिउ तो एरिसयं भयवं न किंचि अन्नारिसयं ।
पर पिययम-विरह-महा-जलणू भयवं संतावइ मज्झ मण् । १० खणि खणि मरणाउ विसेसयरं हउं सहवि न सक्कमि दुक्ख-भरं ।
ता भयवं नियमेण मरणुज्जय-चित्तह । साहहि को वि उवाउ दइया-विरहत्तह ॥३०॥
[३१] अज्ज चिय जे परभव-गयए महु होइ समागमु सहुँ पियए ।
तो जंपिउ जइ निच्छउ मरही तो तुहुं उवाउ एरिसु करही । २९] ५. पु० विलएण ११. ला० चिंतेवि [३०] २. ला० संपडिय ६. ला० भवंतरे ७. ला० तं फलु १०. ला० खणे खणे
मरणाओ.... सहेवि न सक्कउ दुकरं १२. ला० उवाओ [३१] १. पु० मज्ज.. मह...सह पियए
Jain Education International
For Private & Personal Use Only
www.jainelibrary.org
