________________
४. २२]
विलासवईकहा इय जाव वियप्पमि निय-मईए गुरु-देवहं किउ पणिवाउ तीए । सो पासउ दिन्नु सिरोहराए अप्पउं आढत्तु मुएवि ताए ।
एत्थंतरि धाविय हउं तुरंति परितायह परितायह भणंति । १० गय तीए पासि पासउ हरेवि मई वुत्तिय सा उच्छंगि लेवि ।
तुह दक्खिण्ण-महोयहिहि राय-पुत्ति किं एरिसु जुज्जइ । किर आसन्ने वि चल्लिएहिं बंधु मित्तु परियणु पुच्छिज्जइ ॥२१॥
तई पुणु पर-लोए पयट्टियाए हउं कह वि न पुच्छिय पेच्छ माए। हउं जणणिसमाणिय पुत्ति तुज्झ ता किं न पओयणु कहहि मज्झ । तो हद्धी सयलु वि मह इमाए पलविउ आयण्णिउ छन्नियाए । इय लज्जिय-वयणए भणिउ तीए न य मह रूसेवउं भयवईए । ५ लज्जाए एह अवराहु सव्वु ता अम्ह पसाई मरिसियव्वु ।
अह सा मई वुत्तिय राय-पुत्ति मा कोवासंक करेहि चित्ति । परु जारिसु तारिसु मुद्धि होउ न य कोवु करेइ तवस्सि-लोउ । साहेहि ताव किं तई अउव्वु इह अइहि को वि दिट्टउ सुरूवु ।
पुणु भणिउ तीए सुलज्जियाए भयवइ असेसु निसुणिउ तुमाए। १० ता किं पुणु पुणु मई लज्जवेहि मई वुत्तु पुत्ति तुहुं धीर होहि ।
कुलवइ भयवंतु अमोह-वाणि आसन्नउ ता पिय-संगु जाणि । जइ इह काणणे आइयउ सो तुह वल्लहु जो तई दिहउ । राय-पुत्ति तो तुह मिलइ सव्वउं जं कुलवइ उवइट्ठउ ॥२२॥
[२३] ता एहि जाहं आसमपयम्मि तुह पिउ जोयावमि इह वणम्मि । जं आणवेहि एरिसु भणंति संचलिय किंचि पहरिसु वहति ।
गय दो वि अम्ह आसमपयम्मि बइसारिय सीयल-उडवम्मि । [२१] १०. ला० पासे ११. ला० -महोवहिहि १२. पु० आसण्णि [२२] ३. ला० सयलु १. ला० -वयणइ ७. ला० मुद्धे, पु. होइ ९. ला. पभणिउ
१०. पु. वृत्त, ला० पुत्त १२. ला. जां तइं। [२३] ३. ला० गय अम्हे दो वि
Jain Education International
For Private & Personal Use Only
www.jainelibrary.org
