________________
श्रीसोमप्रभाचार्यविरचितः कुमारपालप्रतिबोधः।
ॐ नमो वीतरागाय ।
200----
प्रथमः प्रस्तावः। चउसु दिसासु पसरियं मोह-बलं निजिउं पयट्टो व्व । पयडिय-धम्म-चउक्को चउ-देहो जयइ जिण-नाहो ॥ १ ॥ तं नमह रिसहनाहं नाण-निहाणस्स जस्स असेसु। अलि-कसिणो केस-भरो रेहइ रुक्खे भुयंगो व्व ॥ २॥ तं सरह संतिनाहं पवन्न-चरणं पि जं चरण-लग्गा । तियस-कय-कणय-पंकय-मिसेण सेवंति नव निहिणो ॥३॥ कजल-समाण-वन्नं सिवंग-भूयं निसिद्ध-मय-मारं । परिहरिय-रायमइयं दुहा नमसामि नेमिजिणं ॥४॥ मज्झ पसीयउ पासो पासे जस्सोरगिंद-फण-मणिणो। दिप्पंति सत्त-दीव व्व सत्त तत्ताइँ पायडिउं ॥५॥ सो जय महावीरो सरीर-दुग्गाओ भाव-रिउ-वग्गो। चिरमन्न-पाण-रोहं काउं निवासिओ जेण ॥ ६॥ वित्थारिय-परमत्थं अणग्य-रयणासयं सुवन्न-पयं । दोगच्च-दलण-निउणं नमह निहाणं व जिण-वयणं ॥७॥ जेसिं तुहिँ लडिं व लहिउ मंदो वि अखलिय-पएहिं । विसमे वि कव्व-मग्गे संचरह जयंतु ते गुरुणो ॥ ८॥ कइणो जयंतु ते जलहिणो व्व उवजीविऊण जाण पयं । अन्ने वि घणा भुवणे कुणंति धन्नाण उक्करिसं ॥९॥ जलहि-जल-गलिय-रयणं व दुल्लहं माणुसत्तणं लहिउँ ।
Jain Education International
For Private & Personal Use Only
www.jainelibrary.org
