________________
कुमारपालस्य तीर्थयात्रा- करणम्।
गिरिनगरवर्णनम् । देसंतर-ट्ठिएहिं सोउं दिट्ठा य पञ्चक्खं ॥ संपइ वञ्चिस्सामो सुरट्ठ-देसम्मि तित्थ-नमणत्थं । अन्न- समयम्मि होही मग्गेसु किमेरिसं सुत्थं ? ॥
रमा भणियं-भयवं ! सुरट-विसयम्मि अस्थि किं तित्थं ? । तो गुरुणा वागरियं-पत्थिव ! दो तत्थ तित्थाई॥ जत्थ सिरि-उसभसेणो पढम-जिणिंदस्स गणहरो पढमो। सिद्धिं गओ तमेकं सत्तुंजय-पव्वओ तित्थं ॥ बीयं तु उजयंतो नेमिजिणिंदस्स जंमि जायाई । कल्लाणाई निक्खमण-नाण-निव्वाण-गमणाई॥ रना भणियं-भयवं ! अहं पि तित्थाण ताण नमणत्थं । वचिस्सामि अवस्सं, गुरुणा भणियं इमं जुत्तं ॥ जं तित्थ-वंदणेणं सम्मत्त-थिरत्तमत्तणो होइ । तप्पूयणेण जायइ अथिरस्स धणस्स सहलत्तं ॥ अन्नेसि पि जणाणं सद्धा-वुडी कया हवइ बाढं । सेवंति परे वि धुवं उत्तम-जण-सेवियं मग्गं ॥ इय गुरु-वयणं सोउं राया पसरिय-अतुच्छ-उच्छाहो । सम्माणि विसज्जइ देसंतर-संतियं लोयं ॥ सोहण-दिणे सयं पुण चलिओ चउरंग-सेन्न-परियरिओ। चउ-विह-संघ-जुएणं गुरुणा सह हेमचंदेण ॥ ठाणे ठाणे पटुंसुएहिं पूयं जिणाण सो कुणः । किं तत्थ होइ थेवं जत्थ सयं कारओ राया ॥ तत्तो कमेण रेवय-पव्वय-हिडे ठियस्स नयरस्स । गिरिनयरस्सासन्ने गंतुं आवासिओ राया ॥ तत्थ नरिंदेण दसार मंडवो भुवण-मंडणो दिट्ठो । तह अक्खाडय-सहिओ आवासो उग्गसेणस्स ।।
विम्हिय-मणेण रन्ना मुणि-नाहो पुच्छिओ किमेयं ति । भणइ गुरू गिरिनयरं ठाणमिणं उग्गसेणस्स ॥ वारवईए पुरीए समुद्दविजयाइणो दस दसारा । आसि असि-भिन्न-अरिणो जायव-कुल-विंझ-गिरि-करिणो । तत्थ दसमो दसारो वसुदेवो तस्स नंदणो कण्हो। सो आसि तत्थ राया ति-खंड-महि-मंडलस्स पहू ।। पुत्तो समुद्दविजयस्स आसि कुमरो अरिठुनेमि त्ति । बावीसइमो तित्थंकरो त्ति चारित्त-कय-चित्तो। अविसय-तण्हो कण्होवरोहओ उग्गसेण-राय-सुयं ।
गिरिनगरवर्णनम्।
For Private & Personal Use Only
Jain Education International
www.jainelibrary.org
