________________
४१८
कुमारपालप्रतिबोधे
[पञ्चमः इय सागरस्स कीरइ पुण पुण मिच्छेहिं दुस्सहं दुक्खं । अन्न-दियहे नरेणं भल्लीए मंद-चिट्ठो त्ति ।।। पक्खी घित्तुं सागरमुप्पइओ सागरोवरी जंतो। सागर-गयम्मि पोए पहार-पीडाउलो पडिओ॥ मुक्को य जीविएणं तो संभंतेण पोय-वणिएण। को एसो वुत्तंतो त्ति सायरं सायरो पुट्ठो॥ निय-वृत्तंतं कहिउंसो भणइ इमस्स पक्विणो हिययं । भित्तूण गिण्ह रयणाई ताई तो तेण गहियाई॥ तं रयण-लाभ-हेउत्तणेण उवगारिणं विभावंतो। पत्थोसहेहि विविहेहिं पोय-वणिओ कुणइ पवणं ॥ तं पवहणं विलग्गं सुरह-विसयम्मि मंगलउरम्मि । मुत्तुं पोयं चिंतइ तत्थ ठिओ सागरो एवं ॥ धणउ व्व तया नयराओ निग्गओ गहिय-बहुय-विहयोऽहं । इम्हि तु निडणो कह गु तत्थ रोरो व्व गच्छामि ॥ एवं विसन्न-वयणो दिट्ठो सो बंभणेण एक्केण । भणिओ य भद्द ! दीससि किमेवमुव्विग्ग-चित्तो व्व ? ॥ तो सागरेण भणियं जइ वि अकहणिजमप्पणो चरियं । तह वि तुह पढम-दंसण-पयडिय-नेहस्स अक्खेमि ॥ तो सव्वं निय-चरियं कहियं विप्पस्स तेण भणियमिणं । अधणो ति मा विसूरसु तुह संपाडेमि जेण धणं ॥ इह अत्थि उजयंते गिरिम्मि विवरं समीहियस्थ-करं । तस्स पवेसण-कप्पो सवित्थरो अस्थि मह पासे ॥ तो मज्झ जइ सहाओ होसि तुमं ता दुवे वि पविसामो । .................. "दिव्वंगणाउ जं मग्गियं दिति ॥ धण-लुद्ध-बुद्धिणा सागरेण भणियं इमं करेमो त्ति । कय-उचिय-सयल-किच्चा आढत्ता पविसिउं दो वि ॥ . विप्पो वचइ पुरओ करत्थ-कप्पोवइ-मग्गेण । पजलंत-महिस-पुच्छेण पिट्टओ सागरो एइ ॥ पाएहि जंति कत्थ वि कत्थ वि जाणूहि कत्थ वि उरेण । ते कत्थ वि पिटेणं कढिण-तडुग्घट्ट-सव्वंगा ॥
Jain Education International
For Private & Personal Use Only
www.jainelibrary.org
