________________
३८८
कुमारपालप्रतिबोधे
[चतुर्वः रनो खोहण-हेउं विहियाओ तेहिं विविह-चिट्ठाओ। जायाउ ताउ नवरं अंधे नहें व विहलाओ॥ तत्तो कया पिसाया विमुक्क-फुकार-फणि-गणा-ऽऽभरणा । नर-मुंड-माल-मंडिय-कंठ-यला कविल-केस-भरा ॥ गिण्हह भिंदह छिंदह मारह भक्खह इमं ति जंपंता। तो परिणिया नडा इव मणं पि जाया न भय-जणया ॥ तयणु धणंजय-जक्खो नरिंद-सत्तेण रंजिओ चित्ते । मणि-मउड-कुंडल-धरो पञ्चक्खो भणिउमाढत्तो ॥ पारेसु पोसह-वयं तुट्ठोऽहं देमि मग्गसि तुमं जं । इय जंपिरे वि जक्खे न पोसहो पारिओ रन्ना ॥ गोसम्मि पोसहं पारिऊण रन्ना पयंपिओ जक्खो। तुह दंसणेण वि अहं तुट्टो मग्गेमि किं अवरं ॥ जक्खेण भणियमुवसग्ग-करणओ तुह कयं मए दुक्खं । दाऊण इच्छिय-वरं तमहं अवणेउमिच्छामि ॥ रन्ना भणिओ जक्खो जइ एवं ता कहेसु मह देवी । केण हरिय त्ति तत्तो आढत्तो अक्खिउं जक्खो॥ वेयड्ड-पव्वए दाहिणाइ सेढीइ आहरण-भूयं । नह-लच्छि-केलि-कमलं नयरं नहवल्लहं अत्थि ॥ तत्थऽत्थि खयर-नाहो सोहग्ग-निहि त्ति पसरिय-पयावो। सोहग्गसुन्दरी तस्स अस्थि घरिणी रइ-सरिच्छा ॥ पणय-कुवियाइ तीए कयाइ सो खेयरो इमं भणिओ। कायस्स व मणि-माला किमहं कु-पइस्स तुह जुग्गा ॥ जो मज्झ रूव-लावन्न-विणय-लज्जाइ-गुण-जुयाए वि। काउं अवराहसए कुणसि तुमं निचमवमाणं ॥ चिट्ठउ गुणेहि अहिया समावि मह नत्थि इत्थिया अन्ना। भणियं खयरेण पिए ! मा कुरु गव्वं निय-गुणेहिं ॥ नूणं गुणेहि अहियं तुह रमणिं आणिऊण दंसेमि । इय वुत्तुं निय-नयराउ खेयरेसो विणिक्खंतो॥ पुहई परिब्भमंतो पत्तो अंतेउरे तुह नरिंद । निरुवम-रूवाइ-गुणं देविं दट्टण सिरिकंतं ॥ गहिऊण नियं नयरिं पत्तो तहसणेण तेण तहिं ।
Jain Education International
For Private & Personal Use Only
www.jainelibrary.org
