________________
प्रस्तावः]
दिग्व्रते सुबंधु-कथा । पुव्वं पच्चक्खायं, तो भणियं जोगिणा एवं ॥ ठाणाउ इमाउ जोयणेहिं बारसहिं अत्थि वित्थिन्नं । सूरपुरं नाम पुरं तत्थत्थि महाबलो जक्खो ॥ सो मग्गिओ समप्पइ थेवेण कलंतरेण भूरि धणं । गंतूण तत्थ ववहरसु तेण जेणेसरो होसि ॥ भणियं अणेण-मह निय-पुराउ जोयण-सयं गमण-विसओ। तं पुण्णमित्थ तत्तो अओ परं जामि न पयं पि॥ कुविएण व भणियं जोइएण जं जं उवायमक्वेमि । तं तं तुमं निसेहसि अहो अहन्नोसि निब्भग्ग !॥ भणियं सुबंधुणा तो पसिऊण सुणेह निच्छयं मज्झ । नियमेण अभग्गेणं धणं न जइ होइ मा होउ ॥ सुक्ख-निबंधणु पंच-दिण धण-लत्रु अहिलसमाणु । जम्म-परंपर-सुक्खकर नियमु कु भंजइ जाणु ॥ अह चत्त-जोगि-रूवो रवि-मंडल-भासुरो सुरो होउं । सो जंपिउं पवत्तो तुमं महासत्त! धन्नोसि ॥ जम्मि समयम्मि तुमए मुणि-पय-मूले दिसि-व्वयं गहियं । जक्खो गोमुह-नामो अहं पि तत्थेव आसि तया ॥ किं अच्चत्थ-धणत्थी निय-नियमं पालिही नवा एसो। इय चिंतिऊण विहिया मए परिक्खा इमा तुज्झ । तो अविचलेण सत्तेण तुज्झ तुट्ठो अहं इमं देमि । कणयस्स लक्खमिक गिण्ह तुम जंपइ मुबंधू ॥ कह नेमि नियय-गेहं इक्कोहं कंचणं इमं जक्ख ! । तो जक्खेणुक्खिविउं खणेण सो निय-घरं नीओ॥ कणगं समप्पिउं से जामि त्ति पयंपियं गओ जक्खो । विम्हिय-मणो सुबंधू दटुं धम्म-प्पभावमिणं ॥ पुज्जइ जिणं तिसंझं मुणीण दाणं निरंतरं देइ । सयल-मुहि-सयण-मरगण-मणोरहापूरणं कुणइ ॥ इय दिसि-परिमाण-वयस्स पेक्विउं सो इहावि माहप्पं । सेसाई पि वयाइं गुरु-पय-मूलम्मि पडिवन्नो ।। पजंत-कयाणसणो चित्तभंतर-फुरंत-परमेठी।
Jain Education International
For Private & Personal Use Only
www.jainelibrary.org
